Sam 42:6 - Nobonob Baibel

⁶ Da ippa qauko Hermon, qauko Misa, Jodan le gogppa ele guguittak uugnu oola, laih dayaknu danab daattem. Da anam dayeye, da oolppa elele ii doottem amunu, da Kayak unuqidkkul.

Sam 42:6 Referans Kwoze

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Jona 2:7

O Yawe, da mauhkkulnu hein dayeye, da nahipnu dabmein unuqitti, na nahip mettid lag nahipnu tituanak daatte, na amuppa daanna, na unuqittak dahil aakku doome.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

2 Samuel 17:22

Aa anam apiɗ amunu, Dawit, danab ah nug ele goppig ele, ag oh ahan, Jodan le mataɗppig. Ag mataɗegeg, buttua wakkaɗeɗe, laippu laa nug le amu heqo laihppa ii dayom. Iitta. Ohnab mataɗna malappig.

Matyu 27:46

Aria, aam ameg ewamppa anam amu, Jesus Nug baag okkaippa, “Eloi, Eloi, lama sabaktani?” ewa aum. Nai amu eɗuak am, “O dahil Kayak, O dahil Kayak, na aɗinu da uuiɗmenu diig appe dookkulnu oɗ medattem.”

Matyu 26:39

Nug anam awowa, Nug nakok baula wana ukka, appa Nug laippun gateg qaun o, gomela, iɗu wanppa ma, unuqitta aum. “O Mama, uug oh da maokkul ele, amuam leppu mua eheɗ nau kap-ppa daatte bia, amu na ib laa anidna appe, da le kap amuppanu da ii lapa, amge na dahil dabmaknab aottem ii dim lamidmana. Iitta. Na nahip dabmaknab aottem amuib dim lamidkkutnu ool daatte!” awa aum.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

2 Samuel 17:27

Apsalom aɗi ag aguppa daappig, amge tatam, haen Dawit nug Mahanaim uɗie amu, Nahas bekka Sobi, Amiel bekka Makir, amu Barsilai ele ag uɗippig. Sobi nug am Amon danab, nug apag diig am Raba. Makir nug appag diig am Lodebar, amu Barsilai nug Gileat ted, nug appag diig am Rogelim.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.