Sam 42:5 - Nobonob Baibel

⁵ Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkunu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 42:5 Referans Kwoze

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Sam 56:3

O Kayak, ag anam hetteb, amge da baɗak doottem haenppa amu, da nahipnu oolppa genab doottem.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

Namba 6:26

Yawe Nug ag enaib hatta, Nug maɗoɗ ele ag madakkunu ool daatte.’ Ag anam aon aeg!” awa aum.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Sam 71:14

Amge da amu, da hanhan na heppe, dahilppa ena bekkunu dabmak aɗen oiyeye, amen mekkul. Da na baubau binan mekkul.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Sam 77:3

Da aiqagekke, Kayaknu dabmettem. Ao, da ɠagattag dahil iitta meeme, nuhignu dabmettem. Sila.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Sam 35:14

Da ag am dahiladnab, o da baeladppa bianab doye oiyeye mahimi. Ao, da anilnunab, da nuhignu mahilom bia, da dup noin aute awen mahimi.

Matyu 26:38

Nug anam doya, Nug ag amelagppa aum. “Da oolppa kahipan toɗe mauhak bianab doottem amunu, ag inam daappeg, da ele dabmettat daatu!” awa aum.

Sam 38:6

Ao, da beɗul nauhe, guittak okkai doottem. Deɗ oh, amun tuqan ele da aeqagattem.

Aisaia 30:29

Kekeɗ dilagppa anam bekku, amge ag Yawenu danab ah ag danab ag qagmak gamag ahak ele Yawenu tituanak daatte, ag amu henana, ahi edatteb, amubia ag ahi ettaglag. Ao, danab ag dumuttum iwalnana, Yawenu qaukoppa tenana, oo gamag ahak dootteb, amubia ag oo gamag ahak dooglag. Ag Israel dilag ehanittak, Nug laugppa tenana, gamag ahak dootteb bia dooglag.