Sam 41:10 - Nobonob Baibel

¹⁰ O Yawe, na dahilnu oot gai-iitta doon oot meɗan ehaniɗna heppe, da eɗue ena dayen, da eɗuen, ag nob madakkulnu na oɗ medattem.

Sam 41:10 Referans Kwoze

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Sam 57:1

O Kayak, da nahip-ppanu padal mak eɗitteb ena dayaknu ehanittak aottem amunu, na dahilnu oot gai-iitta doon oot meɗan ehaniɗkkutnu oɗ medattem. Ao, na dahilnu oot gai-iitta doon oot meɗan ehaniɗkkutnu unuqidttem. Da padal mepanu, matuk nag anig haug waappa daatte bia, da na guguitten daakkul. Ao, da anam hebippi ukkeb ukkeb, uug naunab amu oh qe-eɗilkkulag.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

Job 19:19

Da lailad, oiyak laippu, da ag ele ouqak daamut, ag oh dahilnu oolagppa uuaknab dootteb. Ao, laa da ahilagnu ool mauhtte amu, ag da geɗiltteb.

Sam 55:13

Amge anam iitta. Dahil kekeɗ nug awa awa naunab ii niɗatte. Iitta. Amuam na, da layal ena laa, na hettem. I am laippu oittep. Da na ele i laippu daattep.

Sam 55:14

Anukka, i nai ena laippu mattimuɗ. Ao, i gamag ahakppa danab ah oolagppa Kayak laugppa oh gottamuɗ.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Obadaia 1:7

Danab wan atu laihnu ag ehanadkkulagnu ag ele nug tituanak heppig amu, ag wagai mena, ag ag Edom, ag ahilag wanppanu lamadkkulag. Ag lailkad ag ag hambuppualadna, ag eɗadkkulag. Ag lailkadnab bia, ag ahilag ee latteb amu, ag ahilagnu pelem laa mekkulag; amge ag Edom, ag amunu nakok laa ii doomna.