Sam 40:4 - Nobonob Baibel

⁴ Danab nug Yawenu ooppa genab dootte, nug dada danab dilagppa ehanittak aokkunu dab-ii-mette, nug kayak hambuppuak ele binalag ii maama oitte, danab amu nug itittak ena awom daatte.

Sam 40:4 Referans Kwoze

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Jona 2:8

Danab ag kayak hambuppuak, am kayak hamu, kayak genab iitta, ag ag noolagppa dup nona binalag metteb ele, ag nahip oo mauhaknab kobol waappa daaglagnu aakku uutteb.

Sam 15:4

ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

Sam 119:21

Beɗuppa tak danab ag ɗo nahip ii dim lamidtteb, ag eheɗ laa awaknu anak waappa daatteb amu, na ag daulag batattem.

Sam 33:3

Ag ahi bau Yawe binag mekkulagnu etteg! Ao, ag oolag gamag aheb, gita keeke elelenab qenana, ⌊ag Yawe binag mekkulagnu⌋ ag qalan eig!

Sam 71:6

Na da menuiɗak haenppan digmena ehaniɗme, gemu ele hettem. Yo, na da ehaniɗe, da anil menuiɗom. Da na hanhan binan mekkul.