Sam 4:5 - Nobonob Baibel

⁵ Na mana mettak tutukkuib hena, na Yawenu ootppa genab doye!

Sam 4:5 Referans Kwoze

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Sam 51:19

⌊Na anam hekkut amu⌋, ag mana mettak genab tutukku ele hekkulag. Ao, na enanagnab dookkutnu, ag manaknu ofa hekkulag. Ge, ag makau dawai manadna mettaglag.

1 Pita 4:19

Amunu danab ag Kayaknu dabmaknabppa guittak aotteb, ag akka ag beɗulag oh Kayak, ig heikkom, oo metta ii uuak kobol dim lamidtte ele amu, ag Nug eppegppa mena, tuɗidna kobol ena heig!

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Duteronomi 33:19

Ag danab ah onilagppa eppeg gona, ahilag qaukoppa mana mettak genab tutukkuib appa hekkulag. Ag ee yuppanu aon, hobul okkai hena lakkulag. Ao, keeke yu ihippa lokkumak daatte, ag amu aon, hobul hena lakkulag,” awa aum.

Matyu 5:23

Amunu na nahip mana mettaknu keeke aon, qaɗabppa gona, na layap nug nahipnu nai ele daatte dabmekkut dayeb,

Aisaia 61:8

Yawe Nug atte. “⌊Da ahilagnu anam hekkul.⌋ Aɗinu? Da, da Yawe, da nai doya mala hettoɗia epeɗia elele mettak kobolnu ool mauhtte. Ao, am anam, amge, da yab awak, hipunin hak laa ohnu ele amu da eheɗ nau ninig ele doottem. Da ⌊dahilad danab ah ag da tutukku dim lamiɗtteb ele,⌋ da Yawe, da oo metta ii uuak kobol dim lamitten, ag nob ena madakkul. Da nob ena matten heppi, da ag ele ig nug tituana nai qakkak hanhannu hekkunig.

Malakai 1:8

Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.

Sam 50:14

⌊Ag hamu doɗ main, Kayak aib medappig. Iitta!⌋ Ag ena heme anaknu ofa hena, Kayak metteg! Ao, ag aɗi keeke Kayak Attannab Laa Oh Eɗattak Nug mettaglagnu ag ahilag nai ɠagattag qettan appig ele amu, ag nai amu dim lamidna, anam heig!

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

2 Samuel 15:12

Amu ag oh Hebron daanna, Apsalom nug mana mettak hattatta, nug Gilo ted laa Ahitopel, nug appag diig Gilonu aha, Hebron uɗia ehanidkkunu nai me ukke uɗiom. Ahitopel nug nuhig aab ikki am Gilon. Nug Dawitnu dabmak mettak danab laa dayom, ⌊amge nug matu lokkuma Dawit dimetta, Apsalom dim lamittom⌋. Apsalom nug anam heehe, danab baubau ag Apsalom nug mameg King Dawit lamitta, king aben awa, king daakkunu dabmak aoegeg ukke, kuɗum ag uɗin, Apsalom dim lamidppig.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 77:7

“Naɗi Nug ig uuikka autanab awomtai? Anamib daakkute? Ge, Nug baula ihinignu ii helo bia me, Nug ehanikkak kobol iite ha ehanigkku?