Sam 39:8 - Nobonob Baibel

⁸ Da hipunin hemi amunu, na hipunin dahil oh uhuqna meɗan, heppe iitta mekkunu oɗ medattem. Na da uuiɗppe, danab ag Kayak dab-ii-menan ii dim lamidtteb ele ag dahilnu, “Keeke hamunab,” doomnanu unuqidttem.

Sam 39:8 Referans Kwoze

Sam 44:13

Na hee, ig aabaab danab ag taliligna daatteb ele, ag ig aon aon iqan autna aotteb. Ao, danab ah ig talilikkak aabaab daatteb ag, ag ihinignu awa awa qettak nai naunab nau anan, ag ihinignu, “Am keeke hamunab,” dootteb.

Sam 79:4

Danab ah ig guguikkak daatteb ele, ag ig aon aon iqatteb. Ao, danab ah ig talilikkak daatteb amu, ag ihinignu, “Keeke hamunab,” doon, ag imigtteb.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Maika 7:19

Na am Kayak anam amunu, na baula ihinignu oot bodoetta, le mekku. Na ihinig hipunin tabappe nekkulag. Ao, na eheɗ hak ihinkad buɗiadppe, yu gamag unuqagnab ele, appa nokkulag.

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Sam 130:8

Yawe Nug nukka, Nug Israel danab ah, ahilkad hipuninnu qagaiettakppanu eɗua uhuqak ha madakku.

Sam 119:39

Nahip ɗo am ena amunu, na da ehaniɗppe, uɗa nak nau guittak ele, da amunu dookkulnu uug okkainab doottem amu, uug amu dahilppa ii uɗimanu oɗ medattem.

Sam 65:3

Hipunin ihinig tonikke, ig naunab daamut, amge na ihinig hipunin uhuqadna mekkame.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

Sam 51:14

O Kayak, da padal mepanu ehanittak am naib. Da am eheɗ nau hemi amunu, na heppe, da mauhkkulnu elele, amge O Kayak na heppe, da ii mauhpa, da bau daakkulnu unuqidttem. Na anam hekkut amu, da gamag ahak okkai doyen, da nahip genab tutukku hak kobolnu ahi edakkul.

Sam 35:21

Ao, ag naippa yaaiɗnana, “Antteg! Antteg! Ig amenigppanab na amu hee anidmut!” anan etteb!

Sam 25:18

Keeke oh da uug digdig meɗatteb amu, na keeke amu oh dabmena, heppe iitta mekkunu, na hipunin dahil oh ele uhuqadna meɗakkutnu oɗ medattem.

Sam 25:11

Da hipunin kuɗumnab hemi amunu, O Yawe, na oninnu dabmak anuqak awaknu amu, na hipunin dahil uhuqadna meɗakkutnu oɗ medattem.

Joel 2:19

Yawe Nug anam dookku amunu, Nug nuhikkud danab ah amelagppa inam akku. “Da heppi, ee, wain bau, olip goɗen ele elelenab daappeg, ag ee elelenab lakkulag. Haen laala da hei, danab ah wanppan wan laalappanu ag, ag Israel ahilagnu, ‘Keeke hamunab,’ dooppig amu, da baula anam ii hepa; iitta.

Sam 130:6

Danab nug tuqan aabnu aɗ attan aɗi uɗitte anittak danab daatte, nug wakkaɗeb anidkkunu oo huan daatte, amubia da Naɗi ehaniɗkkunu ool huan daatte. Yo, da ool amunu huan daatte.