Sam 39:6 - Nobonob Baibel

⁶ Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.

Sam 39:6 Referans Kwoze

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

1 Korint 7:31

Danab ag wannu keekeppa uɗat hetteb amu, ag am, “Ig wanppan keeke imu ɠagattag ii aɗattem. Ig keeke laa ii aɗat, hamu daattem,” amubia dabmenan daaglag am ena. Ig doottem, geha wan imuam baolieb, gemu daatte amubia ii daama.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Eklisiastis 5:14

o iitta, nug enub okkai awe, uug atten ba he, enub okkai amu iitta mette amunu, danab amu nug bekka keeke nakok laa medakkunu elele iitta.

1 Pita 5:7

Kayak ag gumatta atognoadtte amunu, ag uug ahilag oh amu Nug eppegppa meig!

Luk 12:29

Amu ag aɗi ee le ele lakkulagnu hik aib aqom. Ag keeke amubianu aib dabmak aqom.

Aisaia 55:2

Aɗinu ag ee, ag ɠagattagnab ii madatte ele, ag amuppa men doɗo heeg iitta mette? Ao, ag aɗinu ee ag beɗulagib ehanidtte ele, ag amuib daden metteb? Ag daulag human daappeg, da ag ee ag meulkad oh ehanidkkunu elele amu, da ag ee amu adeppa aoglagnu appi doyeg!

Eklisiastis 12:8

Da ippunittak danab, da attem. “Gaɗappa, unuqagppa ele anttak laippu iitta! Gaɗappa, unuqagppa ele anttak laippu iitta! Keeke ohnab am gaɗappa, unuqagppa ele anttak laippu iitta!”

Eklisiastis 2:8

Da silwa, gol ele dahilnu huanak awen, aria wan laappan king aɗi, prowins anen anen danab okkai ele, da ag eppelagppanu en naɗi aomi. Da danab ah ele ag ahi edattappig ele, ag da noolppa daan, ahi ettaglagnu diiatten, da ele ah kuɗum diiadmi. Keeke amu oh amu ag heeg, danab nug enanagnab dootte.

Eklisiastis 1:14

Da keeke oh danab ah ag ⌊beɗu ehanittaknu⌋ aam waappa henan daatteb anatten malami, amu keeke amu ohnab am gaɗappa, unuqagppa ele anttak laippu iitta; amuam danab nug ulah aɗakkunu, ulah dim lamidtte, am amubia.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

Jems 5:3

Gol, silwa ele ahilkad amu ele nauhna, dubuttid taadtteb. Amu dubuttid amu heeb, ahilag hipunin miag atieb, aab bia ag beɗulag eokku. Ag keeke ena ena, men doɗo ele kuɗumnab, gog tak haen imuppa, ag akka ena daaglagnu qagmaadppig.

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Job 7:7

O Kayak, na imu dabmenan daakkutnu oɗ medattem. Wanppa dayaya oiyak dahil am tutu, danab hik laippu aotte, amubia; da wanppa bau dayeye, baula gamag ahak dookkulnu, da nakok laa ii doottem. Da eheɗib doyeye, daappi ukkeb, da mauhkkul doottem.

Job 7:16

Da bau dayak dahilnu ena iinab doottem. Da hanhan daakkulnu ool ii daatte. O Kayak, dahil bau dayak am tutunab, omuh ta, paha iitta mette amubia amunu, na da uuiɗppe ⌊mauhkkul⌋ am ena.

Job 14:1

Danab oh ag ah oolkadppanu dotteb ele, ag wanppa haen elab ii daatteb. Ao, ag uug kuɗumnab ele maon oitteb.

Sam 89:48

Auntai laa bau dayaya, ii mauhma. Ao, auntai laa nug nukka nug heeb, nug moɗppa ii noma. Sila.

Sam 144:4

Amu danab nug ulah laippu noobppa aotte amu, ulah awak amuam haen tutuib doawa, eɗua dimittim gotte; am danab ah ig amu, ig amubia daattem. Ig haen tutuib daattem. Ihinig haen dayaknu am keeke itotog laa haen tutu dayowa qettoɗtte, am amubia daatte.

Eklisiastis 11:10

Anam daatte amunu, na ootppa baɗak doyak, na beɗunppa guittak doyak ele agappe ukkeɗ! Aɗinu? Nid bau dayak, beɗuppa ena dayak ele am paha iitta mettep; aa am gaɗappa, unuqagppa ele anttak laippu iitta.

Luk 12:26

Ag keeke nakok laa anam hekkulagnu elele iitta amu, aria aɗinu ag keeke laanu dabmak huana qette?