Sam 39:12 - Nobonob Baibel

¹² “O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Sam 39:12 Referans Kwoze

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

Hibru 11:13

Abraham aɗi amu ag ahilag ooppa genab doyak amuib aɗan mauhppig. Ag Kayak keeke madakkunu nai qakka aum, nai amuib aoppig daanna mauhppig; keeke amu ii aoppig, amge butti aɗi keeke amuam bekkunu genab anidppig. Ag appig. “Ig am wan laihnu danab uɗit daatteb bia daattem; wan imuam ig appanig diignab iitta,” aon appig.

Sam 119:19

Da wanppa daattem amu, da aab diig danab iitta daattem. Na heppe, da nahip ɗo dookkulnu ool daatte!

Lewitikas 25:23

⌊Am aib daulag atiom,⌋ wan amu dahilnab daatte amunu, ag wan amu aib hanhannu daden maknu meppig. Aɗinu? Wan am dahil; ag am wan laihnu danab ah daan, dahil wanppa daan, dahil uɗat hetteb.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

Sam 56:8

Na dahil oo doyak amu oh anidme. Ao, na da amel leb am nippudppa itame. Ge, na buk itoɗiak nahip-ppa amu oh anen anen yaan aome.

1 Stori 29:15

Laa amu, ig nahip neekkakppa wan laihnu danab ah; wan imunu aab diig danab ah iitta daattem. Ig mamenkad aɗi ele anamib. Ig wanppa oittem amu, ig haen elabnab ii oittem. Haen tutuib oit, ig mauhta gottem.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Job 16:20

Wan imuppa da lailad ag dahilnu, ‘Keeke hamunab,’ dootteb. Ag anam dooiɗegeg, da Kayak unuqittitti, amel leb huanaknab nette.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

2 Korint 5:6

Diig amunu amu ig hab aabppanu beɗunig aognignu dabmak aottem; ig ii aognignu ii dabmettem. Ig anam dabmetata amu, ig imu ele doottem. Ig wan imuppa oiyaknu beɗunig ele oitata amu, ig Naɗi ele hab aabppa appa ouqak ii daattem.

Sam 102:1

O Yawe, na dahil unuqittak dookkutnu oɗ medattem! Da nahipnu ebippi dookkutnu unuqidttem!

Sam 119:54

Da adeppa adeppa daattem amu, appa da nahip ɗonu ahi edattem.

Genesis 21:34

Keeke amu oh dimppa amu, Abraham nug Pilistia wanppa haen elab nakok dayom.

Job 13:28

Da am ad keeke beɗom daatte bia daattem; da lamen gawat heeg nauhom daatte amu, da amubia daattem.

Sam 90:9

Amunu, ig bau daautut, na ihinignu oppoɗi bak doon, bu megattem. Ao, ig aeqakkatta mauhttem.