Sam 39:10 - Nobonob Baibel

¹⁰ Amge na da bau laa bu meɗamnanu oɗ medattem! Ao, na bu meɗeɗe, da iikku padal mekkulnu hein daattem.

Sam 39:10 Referans Kwoze

Job 9:34

Laa nug gamag danab dayaya, da Kayak eppegppa guittak baula ii awen, baɗak eheɗ nau ii doopanu, nug heeb, Kayaknu bu mettak dahilppa ii daalo am enanag.

Job 13:21

Keeke aɗit amuam inam; na eppen bahin, bu meɗattem amu, na eppen amu eɗun aon, bu baula ii meɗan, na baɗak eheɗ nau da meɗattem amu, na amu ele baula ii meɗamna.

Sam 32:4

Aɗinu? Tuqan, amun ele na toliɗkkutnu, na eppen da qaɗelppa uug ele me, aam he, wan leppu qaɗaiettom bia dahil ɠagattag iitta meum. Sila.

Job 40:8

Na da nai doya mala hettoɗia epeɗia elele mettak kobol ii dim lamidttemnu dabmena attemte? Ao, na nakka na hena, genab tutukku hak danab daakkutnu, na da naippa yaaiɗkkutte?

1 Samuel 6:5

Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Gayak Nai 3:28

Nid bau anam amu, Yawe Nug uug amu nug mettom amunu, nug nukka, oɗe qamutteb dayaya mawaɗ!