Sam 37:7 - Nobonob Baibel

⁷ Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.

Sam 37:7 Referans Kwoze

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Sam 62:5

Da Kayak Nug da ehaniɗeb, dahilppa ena bekkunu dabmak aɗe oittem amunu, da Nug noobppa dagom daattem.

Prowerb 20:22

Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

Habakuk 2:3

Aɗinu? Keeke da ippunidkkul amu, keeke amu nuhig haenppa bekku. Am uug gemu daattenu gog tak haenppan keeke. Am genab bekku; am hambuppuak laa iitta. Keeke amuam pahanab iitai bekku, amge na bahin aib yom. Iitta. Na ameg mena daye! Aɗinu? Keeke da na ippunidkkul am genabnab bekkun daatte, am nuhig bak haen am ii eɗidma.

Jeremaia 12:1

⌊Da Jeremaia, da Yawe inam unuqidmi.⌋ “O Yawe, haen oh da nai laa, na nai amunu diig appe dookkulnu na amenppa attem amu, na kobol tutukkuppaib mehuqe doottem, amge gemu da na nai doya mala hettoɗia epeɗia elele mettak kobol nahipnu oɗ medakkulnu hettem. Am inam. Nau hak danab ag ena daanna, enub kuɗum aotteb. Da amunu diig ii doottem. Ge, danab ag nahipnu oolagppa genab ii dootteb, na ii dim lamidtteb ele, ag uug laa ii doon, elelenab daatteb. Da amunu diig ii doottem.

Sam 40:1

Yawe Nug da ehaniɗkkunu, da ool bodoettette dayeye, ameg mein daaiyi, Nug unuqittak dahil doya, da ehaniɗom.

Aisaia 30:15

Aɗinu ⌊ag anam nauhkkulag⌋? Naɗi Yawe, Israel dilag Kayak Oppiaawak Ele, Nug amunu inam atte. “Da ag ehanadppi, padal ii memananu ib am, ag oolag eɗueb, ag hik ii aqebeb, ag dabmak ahilag ii dim lamidmana. Ao, ag ɠagattag daaglagnu ib am, ag heɗi ii aqebeb, ahilag dabmak ii dim lamidmana, ag dahilnuib oolagppa genab dooglag. Anam daatte, amge ag amu uun autna aoppig.

Sam 62:1

Da Kayak, nuhignuib oolppa maɗoɗ doottem. Ao, Nugib am Padal ii maknu ehanittak dahil daatte.

Galesia 6:9

Amunu ig kobol ena hekkunignu amu ebehinig aib bodoettom. Ig ebehinig bodo-ii-edakku amu, aria geha meu awak haenppa ig meu ena aakku aognig.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Josua 10:12

Amu Yawe Nug Israel ag ehanatte, Amo eɗadppig, deɗ amuppa Josua nug Israel danab oh noolagppa Yawe unuqittom. Nug aum. “Da na unuqidttem. Na heppe, aam nug Gibeon amahalittak dayebeb, kalam nug oolnu noak onig Aiyalon, nug amu amahalittebeb daakkunu oɗ medattem,” awa unuqittom.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Jona 1:11

Ag Jona amegppa anam aeg, ulah nug tuɗitta, huanak heehe, koɗkoɗ naɗi qeeqe, uub gumak danab ag Jona oɗ mettan appig. “Ig na attem heidpput, koɗkoɗ bodoetteb, ig ena daagnig?” aon appig.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Sam 50:8

Da ahilag mana mettaknu amu, da ii aladttem. Ao, da ag manaknu ofa hanhan main meɗattebnu amu, da amunu ag ii aladttem.

Esta 3:15

Am king nug nai haknunab ana, nai awa ukkak danab ag pahanab gona, nai mekkulagnu a, ag anam aakku heppig. Ɗo nai amu aab okkai Susa ooppa aben aɗ ɠagattagnab ele appa ele ebqeppig. Anam daye amu, king nug Haman ele aa le lakkulahnu heɗep neya daapiɗ, amge danab ah Susanu ag nai amu doyeg, ootot aqom.

Job 35:14

Job, na gemu na Kayak anidkkutnu elele iitta daattem attem, na nahip nai Nug noobppa daatte, amu na Nug ameg mettem attem,