Sam 37:16 - Nobonob Baibel

¹⁶ Genab tutukku hak dim lamittak am enaib. Laa nug genab tutukku hak danab dayaya, keeke nakoknabib eppegppa aɗakkutai, amge nug genab tutukku hak danab daatte amunu, nug enanag daatte. Amge nau hak kobol dim lamittak am nauib. Laa nug nau hak danab dayaya, enub okkai eppegppa aɗakkutai, amge nug am nau hak danab daatte amunu, nug nauib daatte.

Sam 37:16 Referans Kwoze

Prowerb 16:8

Danab laa nug genab tutukku hak danab, me nug am en nakokib ele. Nug en nakokib ele, amge nug am genab tutukku hak danab amunu, nug ena daatte; amge danab laa nug nai doya mala hettoɗia epeɗia elele mettak dim lamittak danab iitta, me nug en okkainab ele. Nug en okkainab ele, amge nug am eheɗ hak danab amunu, nug am ena ii daatte.

1 Timoti 6:6

Amge danab nug Kayaknu kobol tutukku dim lamittatta, nuhig keekeppa, “Aakku elele,” dabmette amu, nug enaib daatte, keeke oh awom bia.

Prowerb 13:25

Genab tutukku hak danab ag ee laeg ukke, oolag diditte; amge nau hak danab ag am enug aqatte.

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Matyu 6:11

Ig ee megattem amu, na gemunu ele megakkutnu na oɗ medattem.

Eklisiastis 4:6

Danab nug ee nakokib maɗoɗ ele latte amu, amuam ena; danab nug uɗat bodok iitta, hamu hamu ulah aɗakkunu, ulah dim lamittak bia haaha, ee okkainab latte, amuam ena iitta.

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Prowerb 30:9

Da enub, o daɗek danab dayak uuttemnu diig am, da enub danab daakkul dayeb, da na dimetten, ‘Yawe am aun?’ akkultai. O iitta, da daɗek danab daakkul dayeb, da keeke yab awen, amuppa da na, dahil Kayak, da na onin heppi, laa dilag neekkakppa ena iitta daakkutai.