Sam 37:12 - Nobonob Baibel

¹² Nau hak danab ag am genab tutukku hak danab ah hadappeg nauhkkulagnu ib digdignu maidtteb. Ao, nau hak danab ag genab tutukku hak danab ah dilagnu aelkad emalna daatteb.

Sam 37:12 Referans Kwoze

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Sam 35:16

Danab ag Kayaknu, nuhig haknu ele uuak doon, laa aon aon qedatteb, amubia ag da eheɗnab aon aon iutteb. Ag dahilnu aelkad emalna daatteb.

Daniel 8:12

Nug tappe nak huanaknab heehe, Kayak Nug nuhig ib oo ii ne, Kayaknu danab ah oppiaawak ele, amu Kayaknu mana mettak deɗ oh hetteb ele, amu oh nug eppegppa dayom. Qeqeɗi amu nug aɗi hekkunu heum ele, keeke amu nug dabmeum bia aakkuib beum. Amu be, nug he, nai genab aakku wanppa na qeum.

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Matyu 26:16

Ag anam heeg, haen amuppa nug digma, haen ena adekkuppa nug Jesus ag eppelagppa mekkunu ib mattiom.

Matyu 26:4

Qagmena ag ib attemuppa Jesus lokkumakppa aɗan, qeppeg mauhkkunu hettoɗina nai madippig.

Daniel 8:24

Nug ɠagattag okkainab ele ba daakku, amge ɠagattag amu oh nuhig hakppaib ii bema. ⌊Iitta. Laa nug ehanitteb, ɠagattag okkainab ele daakku.⌋ King amu nug heeb, keeke kuɗumnab laa nauhakib daakku. Nug aɗi aɗi hekkunu heeb, am anamib bekku. Nug danab okkai ɠagattag ele eheɗ hatta, Kayaknu danab ah, ag Kayaknu oppiaawak ele daatteb, nug ag eheɗ hatteb, ag nauhkkulag.

Esta 3:6

Nug oppoɗi anam be, nug Mordekai aakkuib qekkunu iinab dabmeum. Ag nug amegppa Mordekai amu Juda ted appig amunu, Haman nug Juda ag Ekserksisnu ɗo maɗoɗ ohppa daappig amu, nug ag oh aqakkunu maittom.

1 Samuel 18:21

Saul nug oo gamag ahe, nug inam dabmeum. “Da geha Dawit, nug da aɗel aokkunu elele appi, ewau matulak awaknu nai amu da nug ele qagapuɗ, da aɗel nug geha Dawit mauhkkunu ib daakku. Da geha appi, ah nob daden amu, Dawit nug Pilistia ele ban hekkulagnu daakku, amu ag geha nug qeppeg mauhkku.” Saul nug dabmak anam awa, nug Dawit amegppa baula aum. “Gemu na geha da aɗel amu aokkut,” awa aum.

Sam 37:32

Danab ag nau hetteb ele, ag genab tutukku hak danab maadna daatteb. Ag aqappeg mauhkkulagnu hetteb.

Genesis 39:16

Anam ana amu, nug Josepnu lamen aɗa dayeye, Josepnu danab okkai nug lakka uɗiom.

Esta 3:5

Ag Haman amegppa anam aeg amu, Haman nug Mordekai nug noobppa gomela, ii dup noum antta, nug oppoɗi be ameg kokoɗ eppa auta awom.

Esta 5:13

Haman nug anam anana, laa ele tuɗitta aum. “Amge haen oh da Juda ted Mordekai nug king laugnu od oɗeppa heɗep na dayeye anidttem ele amu, ⌊nuhig hak, nug da binal mekkunu ii ahatte, nug dahilnu ii baɗatte amu, nuhig hak amu he,⌋ keeke ena oh king nug dahilnu hette amu, da keeke amu oh am keeke hamu, keeke meu iitta doottem,” awa aum.

Sam 34:22

Yawe Nug laa ag Nug waappa daanna nuhig maɗi nid daatteb amu, Nug ag qagaiettakppanu eɗua uhuqak dayaknu hette. Nug laa ag nuhignu, Nug am ahilag padal mak eɗitteb ena dayaknu ehanittak daatte doon, nuhigppa uɗitteb ele amu, Nug ag bu ii mattama.