Sam 36:4 - Nobonob Baibel

⁴ Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Sam 36:4 Referans Kwoze

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Prowerb 4:16

Aɗinu? Nau hak danab ag eheɗ laa ii heppig dayeb amu, ag niiglagnu elele iitta daaeg ukke, ag eheɗ hewona niitteb. Ao, danab amu ag eheɗ ii heeg, danab laa ii na qeum dayeb amu, ag paha ii niimna.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Aisaia 65:2

Da amu hein, amu da deɗ oh amun tuqan ele danab ah ag ahilag dabmak ɠagattag eppak daatte, da ag ehanadkkulnu heinne daami. Danab ah amu ag ib eheɗppa oitteb; ag akka ahilag dabmak dim lamidtteb.

Revelesen 2:2

Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Rom 1:32

Ag Kayaknu ɗo tutukku, amuam danab ag kobol nau amu hetteb ele, ag mauhkkulagnu atte amu ag dootteb, amge ag kobol nau amu hekkulagnu oolag he, ag amu hetteb. Danab amu ag anam aakku hetteb, amge amu aakkuib iitta. Iitta. Ag ele danab laa kobol nau amu hetteb binalag metteb.

Aposel 23:12

Naɗi Nug Pol amegppa anam a, wagɗe deɗ amuppa Juda laala ag qagmena, ag keeke hekkulagnu nai ahilag ɠagattag qettan, ag inam appig. “Ig Pol qepput mauhkku. Ig ee le ele paha ii lamata. Iitta, Ig hamu daata, ig Pol qepput mauheb, ig eɗut ee le ele lakkunig,” aon appig.

Matyu 27:1

Wakkaɗe buttua mana mettak danab okkai oh, amu Juda dilag ikki danab ele ag Jesus qeppeg mauhkkunu nai qagappig.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Jeremaia 8:6

Da daul humen, nai dookkulnu daye autenab aottem, amge laa nug nai tutukku ii maditte. Laa nug nau hak nuhignu, “Da eheɗ hemi,” anana, oo ii eɗutte. Ag anen anen ohnab ag eheɗ hekkulagnu dabmetteb; ag dabmak amuib dim lamidtteb. Ag hos ag banppa qaiettan gotteb, ag amubia ahilag dabmak eheɗ dim lamidkkulagnu hetteb.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Prowerb 24:23

Nai imu ele am danab ag doyak dabmak ena ele, ahilag nai laa. Hettoɗiakppa, laanu diig iittappa ena doya, laanu diig iittappa eheɗ doyak kobol dim lamittaknu amuam ena iitta.

Sam 52:3

Na kobol nau hekkutnu oot mauhtte. Na ena hekkutnu oot ii hette. Yo, na hambuppuak nai madikkutnu oot mauhtte. Na nai genab madikkutnu oot ii hette. Sila.

Sam 38:12

Kekeɗ dahil ag danab laa nug pelem doɗ aɗeb qekkunu mette amubia, ag dahilppa anam bia hekkulagnu hetteb. Ao, danab ag da guittak meɗaglagnu hetteb amu, ag mattiak hena, ag eheɗ nau heiɗkkulagnu maidtteb. Ag deɗ oh amun tuqan ele amu hambuppuak nai maditteb.

Job 15:16

Nug ig danab, ihinig kobol am uɗig wak ele, ig hipunin hettem amu, Nug ihinignu ig eheɗ laa ii hematanu, ig oppiak ele daagnignu ooppa genab iinab dooma. Ge, ig danab, ig laa le baag diie, le huana latte, ig amubia eheɗ huana hettem.

Esta 6:4

Ag anam mattinna, king nug ⌊neekke ukke, laa haɗap-ppa appa antta⌋ oɗ meum. “Haɗap-ppa umuam aun?” awa oɗ mattom. Nug anam oɗ mattom, ⌊amge Haman nug king niikkunu elele iitta dayom ii doyaya,⌋ haen amuppanab nug king ab, ag Mordekai balal attan danab aihaknu nug he heppig ele, amuppa aihkkulagnu oɗ medakkunu kingnu lag enanagnab odppanu haɗap-ppa beum.

Esta 5:14

Nug anam mattiom amunu, nug wau Seres, amu laikkud oh ele ag appig. “Na heppe, danab ag balal attan danab aihadkkulagnu, nuhig elab attan tak 20 mita heppeg, buttua amu Mordekai balal amuppa aihaknu king oɗ mette! Amu oh hena malona, na goppe, ee lanak naɗi amuppa king ele aa gamag ahak naɗi dooglah,” aon appig. Ag anam appig, amu Haman nug nai amunu enanagnab doya he, danab ag balal amu heppig.

1 Samuel 19:11

Dawit nug oola, lakka ukke, tuqan amuppa Saul nug danab laala ag gona, Dawit meidna daanna, deɗ amu uueb, wagɗeb ag Dawit qeppeg mauhkkunu maatte goppig. Maatte gona daaegeg, amu Mikal nug Dawit amegppa aum. “Na dabme! Na gemu ii oolna gokkut amu, butti ag na nidappeg mauhkkut,” awa aum.

Prowerb 24:2

Aɗinu? Ag laa guittak nau mauhnoak mattaglagnu maittak aotteb. Ao, mattiakppa ag laa uug mattaglagnu atteb.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.