Sam 36:1 - Nobonob Baibel

¹ Nau hak danab ah hipunin henan daatteb dilagnu nai meunab ele laa da oolppa daatte. Amu dilag ag Kayaknu ebehilag oh bodoetta le mak ii dootteb ⌊amunu ag aɗi hekkulagnu oolag daatte amu, ag hetteb⌋.

Sam 36:1 Referans Kwoze

Rom 3:18

Ag Kayaknu ebehilag oh bodoetta le mak ii dootteb ⌊amunu, ag aɗi hekkulagnu oolag daatte amu, ag hetteb⌋.”

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

Sam 18:1

“Yawe, na am dahil ɠagattag, da nahipnu ool mauhtte.

Revelesen 1:1

Kayak Nug Jesus Kristus Nug nuhikkud maɗi nid, ag aɗi keeke bekkunu daatte ippunadkkunu Jesus ippunittom. Ippunitte, Jesus he, nuhig engel laa Jon amu ippunitteb, nug amu bukppa yaakkunu uɗiom.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

2 Timoti 2:24

Naɗinu maɗi nid nug am nug mehqak kobol ii hema. Iitta. Nug danab ah oh noolagppa oo bodoettak ele daakkuoitte. Nug ippunittak danab ena daakkuoitte, amu nug dagom ele dayaɗ!

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Prowerb 20:11

Nid nakok amu, nug diig attemu, nug aɗi hette amuppa nug epponak he anidttem; nug kobol oppiak ele, kobol genab tutukku ele dim lamidttetai, na nug aɗi hettep-ppa diig anidkkut.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Sam 143:12

Na nahip oo mauhaknab kobol dabmena dim lamidnana, na dahil kekeɗ eɗadppe nauhkkulagnu oɗ medattem. Ao, da am nahip maɗi nid amunu, na heppe, dahilad kekeɗ ag nauhkkulagnu unuqidttem.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Sam 90:1

O Naɗi, anukkanab uɗie uɗie, gemu ele amu, na ihinig ena dayaknu aben bia dayeye daattem!

Duteronomi 34:5

Yawe anam aum amunu, Moses, Yawenu maɗi nid, nug Moap wanppa Yawe aum bia, appa mauhom.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Genesis 20:11

Nug anam a amu, Abraham nug Abimelek oɗeppa awa aum. “Da dakka da nai inam oolppa mattimi. ‘Aben imuppanu danab ag Kayaknu ebehilag oh bodoetta le mak ii dootteb amunu, ag Sarah aoglagnu hena, da iuppeg mauhkkul.’

1 Samuel 18:22

Saul nug Dawit amegppa anam awowa, dimppa nug nuhikkud ehanittak danab ele amelagppa, ag Dawit amegppa inam akkulagnunab aum. “Ag gona, Dawit anidna, haen nug nukkaib dayebeb, ag nug amegppa da attem imu ag aig! ‘Antte! King Saul nug nahipnu ena dootte. Ig nuhikkud ehanittak, ig ele ig nahipnu oonig hette. Ig oh anam doottem amunu, na Mikal, Saul aɗeg, aokkut am ena!’ ” Saul nug ag Dawit amegppa anam akkulagnu aum.