Sam 34:7 - Nobonob Baibel

⁷ Yawenu engel nug laa oh ag Yawenu ebehilag oh bodoetta le mette ele, nug ag guguattak dayaya, nug ag ehanatte, qagaiettakppa ii daatteb.

Sam 34:7 Referans Kwoze

Sam 91:11

Aɗinu? Nug engel nuhikkud amelagppa nahipnu haknunab ab, ag na adeppa adeppa gokkut amu, ag na pehettak atognoidkkulag.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

2 King 6:17

Elisa nug anam awowa, nug inam unuqittom. “O Yawe, dahil maɗi nid ameg oppatppe, ig ehanigkkulagnu ameg naɗi daatteb amu, nug anadkkunu oɗ medattem,” awa unuqittom. Aria, Yawe Nug maɗi nid amu ameg oppate, hos, bannu karis ele kuɗumnab qauko nakok kuɗum Elisa daatteppa, ag amuppa elele mette, ambena daaegeg anattom. Hos am bannu karis ele daappig anttom amu, ag am aab aɗu, amge aab aɗu amu dottog am hos, bannu karis dottolag dayom.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Sekaraia 9:8

Amu Yawe Nug atte. “Da dahil lag, da amuppa dayeye, Juda danab ah atognoatten heppi, kekeɗ ag uɗin, wanppa ii oimna. Da pehetten neekkitte daattem amunu, kekeɗ laihnu ag baula uɗin, danab ah dahilad dilag wan ii aomna. Ag baula dahilad danab ah eheɗ ii hattamna,” awa atte.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Eksodas 22:22

Ag ah qab, o nid laa anilkad mamelkad mauhppig amu, ag laa amubia, ag ahilagppa aib eheɗ heppig.

Eksodas 22:26

Amu danab nug ahilagppanu lon awawa, nug lon amunu onig awak keeke daakkunu nug ulahnu lamen nuhig matteb, aria ag lamen amu deɗ amuppaib, aam nokkunu heebeb, ag eɗun metteg!

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Sam 139:5

Ao, Na da nool aon gonana, dim ele lamiɗttem. Na eppenppa da atognoiɗttem.