Sam 34:3 - Nobonob Baibel

³ Ahappeg, ig Yawe, nuhig ɠagattagnu maditu! Ao, ig oh Nug onig okkai medatu!

Sam 34:3 Referans Kwoze

Sam 69:30

Dahilnu amu, da Kayak onig humakkulnu ahi edakkul. Ao, da nuhignu, “Ena heme,” doyeye, da Nug binag mekkul.

Luk 1:46

Elisabet nug anam a amu Maria nug aum. “Da ool am Naɗi binag amahlak oppiaawak ele medatte.

Sam 40:16

Laa ag dahilnu nau hetteb ele amu, na ahilagppa anam hekkutnu ool daatte, amge na heppe, laa ag na anidna dim lamidkkulagnu na mattidtteb amu, ag ena doon, gamag ahak okkai aoglagnu oɗ medattem. Ao, na heppe, laa na ehanatte, ag padal ii mena, ag amunu enanag dootteb ele amu, ag hanhan, “Yawe Nug hak ena, hak tutukku, hak genabib hette,” akkulagnu unuqidttem.

Sam 66:8

O danab ah oh, ag ihinig Kayak binag humeg! Yo, laa ag dooglagnu, ag huana qalan enan, Nug binag humeg!

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.

2 Stori 29:30

King Hesekaia, nuhikkud ehanittak anuqak danab ele, ag Lewi buɗub ag ahi laala, Dawit, propet danab Asap ele yaapiɗ amu, ag ahi amu ettanna, Yawe binag mekkulagnu appig amunu, Lewi buɗub amu ag ahi amu oo gamag ahak ele ettanna, ag Yawe noobppa dup nona Nug binag meppig.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

Aposel 19:17

Anam beum, dimppa Juda danab amu Grik danab ele Epesus daappig amu, ag oh nai amu doon, ag oh baɗan, ag Naɗi Jesus binag okkai meppig.

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

1 Stori 16:10

Nug onig am oppiaawak daatte; ag Nug onignu oolag okkainab gamalag ahaɗ! Ao, laa ag Yawe anidna dim lamidkkulagnu Nug maditteb ele, ag gamalag ahaɗ!

Sam 69:33

Aɗinu? Yawe Nug laa ag keekenu tutu meppig daatteb amu, Nug unuqittak ahilag dootte. Ao, Nug danab ah nuhikkud laa, kekeɗ ag aɗualatteg, ag eppelagppa daatteb amu, Nug ahilagnu daug ii atitte.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.