Sam 34:22 - Nobonob Baibel

²² Yawe Nug laa ag Nug waappa daanna nuhig maɗi nid daatteb amu, Nug ag qagaiettakppanu eɗua uhuqak dayaknu hette. Nug laa ag nuhignu, Nug am ahilag padal mak eɗitteb ena dayaknu ehanittak daatte doon, nuhigppa uɗitteb ele amu, Nug ag bu ii mattama.

Sam 34:22 Referans Kwoze

Sam 103:4

Yawe Nug da padal mak abennu qagaiettakppanu eɗua uhuqak ha meɗatte. Nug oo mauhaknab kobol, oo gai-iitta doya oo metta ehanittak kobol dahilnu ele dim lamidtte.

Sam 71:23

Da ool gamag ahebeb, gamag ahak ahi nahipnu qale edakkul. Aɗinu? Na da qagaiettakppanu eɗua uhuqak hena meɗame.

2 Samuel 4:9

Aa anam apiɗ amu, Dawit nug oɗelahppa awa, Berot danab Rimon bekoɗ, Rekap, Bana ele amelahppa aum. “Yawe Nug ehaniɗe, uug oh dahilppa bette da eɗidttem amu, Nug genab bau daatte, genab amubia,

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Sam 31:5

O Yawe, da ouɗil na eppenppa mettem. O Yawe, na Kayak, na doyak diig genabib ohnu diig daattem. Na da qagaiettakppanu eɗua uhuqak hena meɗakkutnu oɗ medattem.

Sam 130:8

Yawe Nug nukka, Nug Israel danab ah, ahilkad hipuninnu qagaiettakppanu eɗua uhuqak ha madakku.

1 King 1:29

No amu, king nug inam Batseba amegppa nug nuhig nai ɠagattag qetta aum. “Yawe Nug haen oh da uug digdigppa daattem amu, Nug da ehaniɗaɗa, eɗua awiɗtte, Nug genab bau daatte, genab amubia da na amenppa iikku attem.

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Gayak Nai 3:58

O Naɗi, na danab layag hettoɗiakppa ehanidtte, na amubia ehaniɗna, na da qagaiettakppanu eɗua uhuqak hena meɗe, da ii mauhmi; da bau daattem.

Sam 37:12

Nau hak danab ag am genab tutukku hak danab ah hadappeg nauhkkulagnu ib digdignu maidtteb. Ao, nau hak danab ag genab tutukku hak danab ah dilagnu aelkad emalna daatteb.

Sam 37:15

Amge geha nau hak danab dilagnu amu, geha laa ag ahilkad qep elab ag eppelagppanu aɗadna aɗan, amuppa ag gamalkad otuladnana, ag lat ahilkad ele qiiglag.