Sam 34:2 - Nobonob Baibel

² Da Yawe Nug attem attem heum amu, da amunu Nug binag mettem; laa ag oolagppa elele iitta dootteb ele amu, ag dahil nai doon, ag oolagppa ɠagattag qak dooglagnu ool daatte.

Sam 34:2 Referans Kwoze

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

1 Korint 1:31

Amunu ig Kayak naippa, nai laa daatte, amubia hetu! Nai amuam inam. “Laa nug onig humak hekkunu oo daatte amu, nug Naɗi onig aakkuib humaɗ!”

Sam 119:74

Da na aɗi hekkutnu ame amu, na amu hekkutnu oolppa genab doottem amunu, da na dahilnu, na ame bia, na ena heiɗppe, laa oh ag nahipnu ebehilag oh bodoetta le mette ele ag amu anidna, ag oolag gamag ahakkunu ool daatte.

Sam 44:8

O Kayak, diig amu ohnu ig deɗ oh amun tuqan ele, na ig ehanikke padal ii memutnu danab ah amelagppa mattignig. Ig hanhan na binan mekkunig. Sila.

2 Korint 10:17

Amge Kayak nai ele binag maknu nai laa ippunigtte. Nai am inam. “Laa nug onig humak hekkunu oo daatte amu, nug Naɗi onig aakkuib humaɗ!”

Aisaia 45:25

Amge geha Israel buɗub oh ag Yawenu ehanittakppa genab tutukku daan, ag gamag ahak okkainab dooglag.

Sam 105:3

Nug onig am oppiaawak; ag Nug onignu oolag okkainab gamalag ahaɗ! Ao, laa ag Yawe anidna dim lamidkkulagnu Nug maditteb ele, ag gamalag ahaɗ!

Sam 142:7

O Yawe, da na binan mekkulnu elele daakkulnu amu, na uug da toniɗtteb imu mautkkutnu oɗ medattem. Anam dayeb, dimppa genab tutukku hak danab ah ag keeke ena ena na dahilppa heme amu anidna, ag doppeg, da ele tamanignig. Aɗinu? Na dahilnu kobol ena heme.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.