Sam 34:16 - Nobonob Baibel

¹⁶ Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.

Sam 34:16 Referans Kwoze

Prowerb 10:7

Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.

Jeremaia 44:11

Ahilag hak anam daatte amunu, Yawe Nukka Ɠagattag Oh Ele, Israel dilag Kayak, Nug inam atte. “Da heppi, uug naunab beeb, ag Juda ag uɗin Isip daaglagnu uɗippig amu, uug amu ag oh tonatteb, ag nauhkkulagnu da dabmak aoi ɠagattag eppom daatte.

Jeremaia 17:13

O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.

Job 18:17

Nug amubia nauhe, wanppan danab laa nuhignu ii dabmette; nug onig wanppa ii daatte.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Amos 9:4

Israel danab dilag kekeɗ ag eɗadna lamadppeg, ag diia ukka laih me dayak danab ah wan laappa gona daaglagtai, amge appa da haknunab appi, kekeɗ ag qep elabppa aqappeg mauhkkulag. Da ag neekkatten dayeye, da ag eheɗ hadakkul. Da ena ii hadapa.” Yawe Nug anam awa atte.

Eklisiastis 8:10

Ele amu, da nau hak danab, ag aab okkai ag hipunin heppigppa daan, ag Kayaknu mettid lag, lag amuam Kayaknu tituanak daatte, ag amuppa gonana, eɗun uɗiegeg, danab ah binag meppig amu, da ag mauheg boumadppig anadmi. Amu ele am gaɗappa, unuqagppa ele anttak laippu iitta.

Sam 10:16

Yawe Nug king hanhannu daatte! Ao, O Yawe, na heppe, laa ag kayak laala dilagnu dup nona binag mak kobol hetteb ele ag nahip wanppa aib daappig.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Job 36:7

Nug genab tutukku hak danab hanhan dabmadatte. Ao, Nug he, ag king ele sia kingppa daan, ag danab okkai hanhan daatteb.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Sam 33:18

Anam aakku daatte, amge Yawe Nug danab ag nuhignu ebehilag oh bodoetta le mette ele, Nug ag ehanadtte. Yo, Nug laa ag nuhig oo mauhaknab kobolnu dabmenan oitteb ele amu, ag ehanadtte.

Sam 94:9

Laa Nug ag daulag heum ele, Nug daug ituak elete? Laa Nug ag amelag heum ele, nug ameg gaɗuak elete?

Prowerb 15:29

Yawe Nug nau hak danab, ahilag unuqittak dookkunu ag gukkuatta ii daatte; amge Nug genab tutukku hak danab dilag unuqittak dootte.