Sam 34:14 - Nobonob Baibel

¹⁴ Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

Sam 34:14 Referans Kwoze

Sam 37:27

Ag nau hak dimettan, ena heig! Ag anam hekkulag dayeb amu, ag hanhan ɠagattag, ena daaglag.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

1 Pita 3:11

Nug eheɗ hak dimetta, kobol ena haɗ! Ao, nug laa ele maɗoɗ ele daaglagnu wagai maɗ!

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Rom 12:18

Maɗoɗ dayaknu amu, ag aɗi aɗi heppe, maɗoɗ ba daakkunu daatte amu, ag amu henana, laa dilag ele maɗoɗ daaglagnu ib daatte ele, ag ib amu dim lamitteg!

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

1 Tesalonaika 4:11

Amu anukka ig ag amelagppa amut, amubia ag dabmak tutukku aona, ag toettan daana, ag ahilag keeke tutukku hena, ag akka eppelagppa uɗat heig!

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Matyu 5:9

Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Prowerb 13:14

Danab dabmak ena ele dilag ippunittak am le danab bauklel madatte, am amubia daatte; doyak dabmak ena elenu nai am he, danab nug paha mauhaknu pelemppa ii tette.

Sam 120:7

Da maɗoɗ daagnignu aiyi, ag bannu aakkuib maditteb.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Sam 39:2

Da anam dakka dahilnu ami amunu, ⌊nau hak danab ag gukkuiɗna daaegeg,⌋ da nai laa iinab mattimi, ⌊amge da ag nai appig daulib doomi.⌋ Da nai ii mattimi, amge amuppa da oolppa uug beum. Da anam heiyi, uug da oolppa dayaya, okkainab meum.

Prowerb 4:24

Na aib nai hambuppuak ame. Ge, na aib nai diig ena iitta uɗig wak ele mattime.