Sam 34:12 - Nobonob Baibel

¹² Ag oolagppanu, na aun na bau daakkunu oot daatte; Ao, ag oolagppanu na aun na haen elab daanna, na dayak ena daanna, gamag ahak dookkutnu oot daatte ele,

Sam 34:12 Referans Kwoze

Duteronomi 30:20

Ag Yawe, ahilag Kayak, ag nuhignu oo mauhak doon, ag Nug oɗe dim lamidna, Nug hanhan guguittak daaglagnu tituaneg! Aɗinu? Nug am ahilag bau dayaknu diig. Ag anam hekkulag dayeb amu, ag haen elabnab ahilag wanppa daaglag. Yawe Nug wan amu ag mamelkad aɗi, Abraham, Aisak amu Jakop ele, Nug ag wan amu madakkunu nai ɠagattag qetta aum.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Eklisiastis 3:13

Baula anak am, danab ah oh ag ee, le ele lanana, ag aɗi uɗat Kayak ag mattom am henana, uɗat amunu ag oo hak dooglagnu am ena. Amuam Kayak danab oh, ahilag daakkunu hamu mette, Nug eppegppanu uɗitte.

Sam 91:16

Da na bau dayak haen elab daakkutnu medakkul. Da ehanidppi, na padal ii memana,” awa atte.

Sam 4:6

Am danab ah kuɗum ag atteb. “Aun nug ig haen ena ippunigkku?” O Yawe, na ig ele daagnignu, na oot ihinignu ena daakkunu oɗ medattem.

Job 7:7

O Kayak, na imu dabmenan daakkutnu oɗ medattem. Wanppa dayaya oiyak dahil am tutu, danab hik laippu aotte, amubia; da wanppa bau dayeye, baula gamag ahak dookkulnu, da nakok laa ii doottem. Da eheɗib doyeye, daappi ukkeb, da mauhkkul doottem.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Eklisiastis 2:3

Ig danab ig haen tutuib wan imuppa oittem. Anam amunu, da haen tutu amuppa danab nug aɗi kobol dim lamitta heeb, keeke ena, meu ele laa bekkunu ippu anidkkulnu ool he, doyak dabmak ena ele ulum meɗeɗe, da gamag ahak dookkulnu wain lain, Kayak dab-ii-maama hak kobol ele dim lamidmi ⌊amge da meu ena laa ib amuppa bekkunu ii anidmi⌋.

Sam 21:4

Nug bau dayak medakkutnu oɗ mette, am na anam heme. Yo, nug bau haen elab dayaknu oɗ mette, na bau dayak elab mettan, na hanhan nuhigppan laa king daakkunu ame.

Genesis 49:2

Ag da, Jakop, ag da bekkalad, ag qagmen, nai dahil doyeg! Ao, da Israel, ag mamelag amu, ag dahil nai doyeg!

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

Job 33:33

Amge na nai anam laa iitta amu, na dahil nai doye; na oɗen qamutna daappe, da doyak dabmak ena ele ippunidkkul.” Elihu nug anam awa aum.

Prowerb 4:20

O bekkal, na daut human, da aɗi attem imu doon, elele mette! Na dahil nai doon autna awe!

Prowerb 7:24

Anam aakku amunu, o bekkalad, ag daulag human, da aɗi nai attem imu ag doon, elele metteg!

Prowerb 9:10

Amu Yawenu ebehi oh bodoetta le mak kobol, amuam doyak dabmak ena ele digma awak aakku Ao, Kayak, Nug oppiaawak ele, Nug dooittak am he, diignu doyak tutukku aakku bette,