Sam 34:10 - Nobonob Baibel

¹⁰ Am laion bau ag haen laala enug aqadtte, amge aun aɗi ag Yawe anidna dim lamidkkulagnu Nug maditteb amu, ag keeke ena laanu tutu ii memana.

Sam 34:10 Referans Kwoze

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Matyu 6:32

Amuam iitta aɗi ag keeke amu ohnu hik aqadtte, amge ag dahilad amu, ag Mamelag, hab attan daatte, Nug ag keeke amu oh aoglagnu dootte.

Sam 104:21

Laion bau ag ee aoglagnu oinna, ag doɗ laa qekkulagnu gukkuidna wanana, ag gaatteb. Ao, ag Kayak ehanatteb, ahilkad ee aoglagnu oitteb.

Sam 23:1

Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

Sam 33:19

Danab ah ag anam hetteb ele amu, Nug ag ehanatteb ii mauhmananu, Yo, eenu tutu mak haenppa, ag dabmattebeb, ag bau daaglagnu, Nug ag dabmadatte.

Sam 112:3

Danab nug Yawenu ebehi oh bodoetta le mette ele, nug laugppa en, keeke ena ena ele daatteb. Ao, anam amu, nuhig genab tutukku hak kobol am hanhan alet daatte.

Prowerb 10:3

Yawe Nug he, danab genab tutukku hak kobol dim lamidtteb ele, ag enugppa ii daatteb; amge Nug he, nau hak danab ag aɗi keeke aoglagnu oo hak okkai dootteb ele amu, ag keeke amu ii aotteb.

Prowerb 19:23

Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.