Sam 33:6 - Nobonob Baibel

⁶ Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Sam 33:6 Referans Kwoze

Hibru 11:3

Ig Kayaknu oonigppa genab doottem amunu, ig imunu maittak aottem. Kayak Nug oɗeppa haknunab nai aawo, wan, hab, atu, keeke oh ele beppig daatteb amunu, keeke ig gemu anidttem, keeke amu oh am keeke ig anidkkunignu elele, am amuppa ii beum.

2 Pita 3:5

Anam, amge digmakppa Kayak Nug oɗeppa nai aawo, hab wan ele beeh, Nug he, wan le ooppanu ba, le eɗitta dayom amu, ag amu doonna daulag atitte.

Job 33:4

Kayak Ouɗi Nug da heiɗom. Ao, Laa Nukka Ɠagattag Oh Ele Ouɗi Nug da bau meɗatte.

Genesis 2:1

Amu Kayak Nug hab, wan, amuppan keeke oh ele anam heum.

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Genesis 1:6

Keeke amu anam ba daye, Kayak Nug, “Le gamagppa oppata, attan honap ele daapeɗ, gamalahppa aben uma ukkak dayaɗ!” awa aum.

Job 26:13

Kayak Nug ouɗi iwale, hab eɗua, lombig keeke iitta, enanag dayom. Ao, Nug mat naɗinab, uug iitta oiyom, Kayak Nug mat amu banppa ye, iitta meum.

Genesis 6:7

Yawe Nug anam antta doya amu, Nug aum. “Da danab hemi amu, ag, aria doɗ, doɗ laa ag oolag wan qeeqe oitteb, amu ai hab waappa hagagaɗna oitteb ele amu, da heppi, ag oh iitta mekkulag. Aɗinu? Da ag hattaminu kahipal aoɗom bia doottem,” awa aum.

Rom 1:25

Danab anam amu ag Kayaknu nai doyak diig genabibppanu uun baolin, ag nai hambuppuak aoppig. Amu ag keeke Kayak hattom ele, ag keeke amu noolagppa dup nona binalag mena, amu dilag uɗat hena, ag waalagppa daanna, ag Kayak, Nug am keeke ohnu diig daatte ele, ag Nug dimedappig. Kayak amu, ig hanhan Nug binag metu! Genab.

Sam 104:30

Amge haen na nahip ouɗi ag mattae, ag hik aon bau daanna, ag ahan oitteb; ib amuppa na hee, bauklel keeke ag wanppa bau daanna oitteb.

Genesis 1:1

Digmak haenppa Kayak Nug hab, wan ele heum,

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Jeremaia 10:16

Amge laa, Jakop buɗub dilag Kayak daatte, Nug amubia iitta. Iitta! Aɗinu? Nug keeke oh heum. Ge, Nug keeke oh, Israel ele hattom. Israel ag am nuhikkudnab danab ah. Nug onig am Yawe Nukka Ɠagattag Oh Ele.