Sam 33:3 - Nobonob Baibel

³ Ag ahi bau Yawe binag mekkulagnu etteg! Ao, ag oolag gamag aheb, gita keeke elelenab qenana, ⌊ag Yawe binag mekkulagnu⌋ ag qalan eig!

Sam 33:3 Referans Kwoze

Aisaia 42:10

Ag wan atu ohppan danab ah ag Yawenu ahi bau etteg! Ao, ag wan batakppanu ag ahi ettanna, ag Yawe binag meig! Ag danab ag uubppa yu qaɗeppa oitteb, yuppanu keeke oh ele, ag anam heig! Ag danab ah wan miagnu, wan umanu ele, ag oh Yawe binag maknu ahi bau laa etteg!

Epesus 5:19

Ag qagmena daana amu, ag sam, mettidnu ahi, amu Naɗi binag maknu ahi ele etteg! Ag oolkadppa Naɗi humidkkulagnu, ag ahiettak, amu ahi baag ele heig!

1 Stori 25:7

Danab amu, amu ag tiilag laippu ele, ag oh Yawenu ahi ettaglagnu, ag ahi hekkulagnu doyak aon malappig amu, ag ahilag ebqak am 288.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Sam 96:1

Ag ahi bau Yawenu etteg! Ao, wanppan danab ah oh ag Yawenu ahi etteg!

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Sam 144:9

Na binan maknu amu, O Kayak, da ahi bau edakkul! Ao, na binan maknu amu, da laia, nuhig muɗi 10 ele qekkul.

Sam 98:1

Yawe Nug kobol danab hekkunu elele iitta heum amunu, ig Yawenu ahi bau ettatu! Yawe Nug am ɠagattag, amu oppiaawak ele. Amuppa amu Nug ha, Nug kekeɗ nuhikkud eɗattom.

1 Stori 13:8

Ag anam hena, Dawit, Israel laa oh ele daappig amu, ag oolag gamag huana ahehe, ag Kayak noobppa ahi huana ettanna, ag harp, laia, tambarin, simbal, amu trampet ele aɗan, musik ele huana heppig.

Revelesen 14:3

Ag sia king ⌊anuqak⌋ noobppa hab daup waɗele Kayaknu bauklel aotteb ele, ag noolagppa amu ikki danab noolagppa ele ahi bau edappig. Laa oh ag ahi amu ettaglagnu am elele iitta; danab 144,000 Kayak Nug ag wanppanu danab ah oolagppanu ag hipuninnu qagaiettakppanu eɗua uhuqak heum ele, ag aakkuib ahiettaglagnu elele daappig.

Sam 149:1

Ag Yawe binag meig! Ao ag ahi bau Yawenu etteg! Ge, ag danab ah ag nuhignu oo metta ii uuak kobol dim lamidtteb ele, ag Nug binag meig!

Sam 40:3

Yawe Nug da ahi bau laa ippuniɗom; ahi amuam ihinig Kayak binag maknu ahi. Danab ah kuɗum ag amu anidna, ag Kayaknu ebehilag oh bodoetta le meeb, ag nuhignu oolagppa genab dooglag.

2 Stori 34:12

Danab uɗat amu oh heppig ele amu, ag oo metta ii uuak kobol dim lamidna, ahilag uɗat heppig. Amu ahilkad okkai, uɗat amu gumappig ele, ag am, Jahat, Obadaia, Sekaraia, Meulam ele. Danab amu oh ag Lewi buɗubppan mana mettak danab iitta, ag oolagppanu. Jahat, Obadaia ele aa Lewi bekka Merari buɗub laa aakku. Sekaraia, Mesulam ele aa Lewi bekka Kohat buɗub. Aria, Lewi buɗubppan mana mettak danab iitta, ag oolagppanu laa ag musik haknu doyak okkai ele.

1 Stori 15:22

Lewi buɗub dilag okkai Kenania, nug ahi edakkunu doya autanab awom amunu, nug laa ahi edappig dilag gumak okkai dayom.

Sam 40:4

Danab nug Yawenu ooppa genab dootte, nug dada danab dilagppa ehanittak aokkunu dab-ii-mette, nug kayak hambuppuak ele binalag ii maama oitte, danab amu nug itittak ena awom daatte.