Sam 33:2 - Nobonob Baibel

² Ag ahi baag dim lamidna, harp qenana, ahi amuppa ag Yawe onig humeg! Yo, ag ahi baag dim lamidna, laia muɗi nuhig 10 ele qenana, ahi amuppa ag Yawe binag okkai metteg!

Sam 33:2 Referans Kwoze

Sam 144:9

Na binan maknu amu, O Kayak, da ahi bau edakkul! Ao, na binan maknu amu, da laia, nuhig muɗi 10 ele qekkul.

Eksodas 15:20

amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

Revelesen 14:2

Ag daaegeg, da hab aabppanu oqotti laa, le okkai buɗuɗuppa noawa oqotti otte amubia, amu hakkaɗ okkai qa, aɗeɗe ugakka oqotti otte amubia ele doomi. Oqotti amuam danab harp qeeg, baag oqotti enanag, musik atteb bette, am amu bia doomi.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.

Sam 92:3

Am laa nug laia muɗi 10 ele qedadaɗebeb, ahi ettak amu ettaglag, amuam enanag. Yo, laa nug ahi baag amuib harp qeebeb, ag Kayak kobolnu ahi ettaglag, amuam kobol ena.

1 Stori 25:6

Danab amu oh ag mamelkad waalagppa daan, Yawenu mettid lagppa musik amu heppig. Ag simbal, laia, amu harp ele Kayak laugppa, nuhig ɗo maɗoɗnu uɗat hekkulagnu henana, musik amu heppig. Nid danab amu ag mamelkad waalagppa daappig, amge Asap, Jedutun, Heman ele ag king waappa daappig.

1 Stori 25:3

Jedutunnu amu, nug bekkod eblaih laippu ele; Gedalaia, Seri, Jesaia, Simei, Hasabia, Matitia ele. Jedutun nug harp qaaqa, nug Yawe amegppa, “Ena heme,” ana, nug binag ele ma, nug Kayak nai mehuqom, nug bekkod ag nug waappa daappig.

1 Stori 15:28

Anam aakku ag gona, Yawenu Tituanak Nainu Kunup kontrak inak ele aon uɗinna, ag enana, ag musik haknu keeke doɗ qeqeɗippa hak, trampet ele iwalnana, ag simbal hena, laia, harp ele qeppig.

1 Stori 15:16

Amu Dawit nug Lewi buɗub dilag okkai ag lailkad Lewi buɗub laa, ag oolagppan laa ag musik haknu danab, am laa ag ahiettak danab, nug ag ag tituanadppeg, musik hak danab ag laia, harp, amu simbal ele hebeppeg, laa ag ahi gamag ahak ele ettaglagnu aum.

2 Samuel 6:5

Ag anam nonana, Dawit, Israel laa oh ele daappig amu, ag oolag gamag huana ahehe, ag Yawe noobppa ahi huana ettanna, ag harp, laia, tambarin, sistrum amu simbal ele aɗan, musik ele huana heppig.

Sam 149:3

Ag ahi goɗanna, Nug binag meig! Ao, ag tambarin, harp ele henana, binag meig!

Sam 71:22

O Kayak, na oo metta ii uuak kobol hanhan dim lamidttem amunu, da harp qeinne, binan mekkul. Yo, O Israel dilag Kayak, oppiaawak ele, da laia qeinne, nahipnu ahi edette, na binan mekkul.

Sam 92:4

Aɗinu? O Yawe, keeke na hena meɗame ele, keeke amu he, da gamag ahak doottem. Yo, na keeke hemenu da gamag ahak doyeye, ahi edattem.