Sam 33:11 - Nobonob Baibel

¹¹ Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

Sam 33:11 Referans Kwoze

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Job 23:13

Da anam hettem, amge Kayak Nug dahilnu aɗi hekkunu dabmeum ele amu, Nug hette. Aun Nug heeb, Nug dabmak eɗukku? Laal iitta! Kayak Nug aɗi hekkunu oo hette amu, Nug aakku hette.

Jeremaia 29:11

Aɗinu da, Yawe, da anam hekkul? Da ag Juda, da ahilagnu maittak ena laa ele aɗe daattem. Maittak amuam, da heppi, ag maɗoɗ ele daaglag. Da eheɗ hadakkulnu maittak aɗe ii daattem. Da ag, ag ena bena, baɗak iitta daaglagnu dabmak aɗan oiglagnu maittak aɗe daattem.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Aisaia 14:24

Yawe Nukka Ɠagattag Oh Ele, Nug nuhig nai ɠagattag qetta aum. “Da keeke hekkulnu maittak aomi amu, da amuib heppi bekku. Ao, da keeke hekkulnu maitten, ɠagattag qettami amu, da geha hekkul.

Aisaia 14:27

⌊Yawe Nug amu genab hekku.⌋ Aɗinu? Yawe Nukka Ɠagattag Oh Ele, Nug keeke hekkunu maittak awa, ɠagattag qettom dayeb amu, aun nug heeb, geha Nug keeke hekkunu dabmette amu ii bema? Ao, Nug eppeg bahiom daatte dayeb amu, aun nug heeb, Nug eppeg eɗua aokku?

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Sam 92:5

O Yawe, na kobol danab laa hekkunu elele iitta kuɗum hettem! Ao, nahip dabmak am unuqagnab noak daatte.

Maika 4:12

Ag anam atteb amge, ag Yawenu dabmak ii dootteb. Ao, ag nuhig dabmaknu diignu doyak tutukku ii aɗatteb. Yawenu maittak am, Nug danab ee aeg mumuɗkkunu wit, bali keeke, gumu, ikki ele ehakka, ee aeg mumuɗaknu abenppa qagmette, amubia Yawe Nug ag Israel, ahilag kekeɗ mumuɗadkkunu aakku qagmeeb daaglag.

Aposel 15:18

Anukka Kayak Nug nai amu mattia aum, amu gemu ele Nug anamib atte.

2 King 19:25

Senakerip, na anam ame, amge na nai imu iite doome? Anukkanab da Yawe, da keeke amu bekkunu tituanmi. Anukkanab da maittak amu aomi. Da amu hemi amu, gemu da hei, aakku beum. Ao, da hei, na amu oh henana, na hee, aab okkai ɠagattag aɗ ele am loppaɗattak, kinipan ameg okkai hume tak daatteb.

Eklisiastis 3:14

Da doottem, keeke oh Kayak heum am hanhan daakku, iitta ii mema. Danab laa nug Kayaknu hakppa keeke laa buuidkkunu elele iitta; laa nug nuhig hakppanu keeke laa hiɗa aokkunu ele elele iitta. Kayak Nug ig nuhignu ebehinig oh bodoetta le mekkunu anam babaittom.