Sam 33:10 - Nobonob Baibel

¹⁰ Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Sam 33:10 Referans Kwoze

Sam 21:11

Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.

Aisaia 44:25

Da, Yawe, da hei, propet hambuppuak danab dilag nai am kaboliak daatte. Ao, da hei, danab ah laa ag eman danab dilagnu ag dabmak iittanab ele daatteb anadtteb. Da hei, wanppan doyak dabmak ena ele danab dilag dabmak iitta mette. Ao, da hei, ahilag dabmak am hamunab, kaaka bia daatte.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

2 Samuel 15:31

Ag ukkaegeg, laa nug Dawit amegppa aum. “Ahitopel nug Apsalom ehanidkkunu, nug nug ele daattep,” awa aum. Nug amu a, Dawit doya, nug Yawe unuqitta, “O Yawe, na heppe, Ahitopel nug Absalom dabmak tutukku iittappa ulum nai medakkunu oɗ medattem,” awa aum.

Sam 140:8

O Yawe, na nau hak danab uuadppe, ag aɗi hekkulagnu oolag hette, ag amu hemananu oɗ medattem. Na ag uuadppe, ag aɗi hekkulagnu maidppig amu, ag ii hemananu unuqidttem. Ag hekkulagnu oolag daatte hekkulag dayeb amu, ag aakku enaen mena, dada danab ah bekkulag. Sila.

Sam 9:15

Danab ah wan imuppan wan laalappanu ag moɗ laa, danab ah laa ag amuppa nena qena daaglagnu aoppig amu, ag akka ag moɗ amuppa noppig. Ao, ag akka ag ahilag uhuippa noppig.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Aisaia 44:23

Yawe Nug keeke okkai heum amunu, ag habppanu, ag oo gamag ahak okkai doon, ahi etteg! Ag wanppa daatteb, ag huana eig! Yawe Nug Jakop buɗub hipuninnu qagaiettakppanu eɗua uhuqak ha mattom; Nug nuhig binag amahlak oppiaawak ele Israel oolagppa he, miag atiom amunu, wanppan keeke oh Yawe hattom ele amu, ag ahi etteg!

2 Samuel 17:14

Husai nug anam a, Apsalom, Israel danab laa oh ele ag appig. “Ark danab Husainu ulum nai am Ahitopelnu ulum nai eɗidtte,” aon appig. Ag doon, dabmena appignu diig am, Yawe Nug Ahitopelnu ulum nai elelenab na qeeb, Apsalom nug padal mekkunu dabmak awe ɠagattag eppom daye, Nug Husai ehanittom.

2 Samuel 15:34

Amge na eɗun, Jerusalem daappe, Apsalom nug eɗua Jerusalem teeb, na nug amegppa inam akkut. ‘O king, da nahip maɗi nid laa daakkul hettem. Da na mamenu maɗi nid daami, amge gemu da nahip maɗi nid daakkulnu ool daatte.’ Na anam appe dookku. Na anam hekkut dayeb amu, na da ehaniɗna, Ahitopel nug ulum nai Apsalom mettebeb, na dabmak amu heppe, na qekkunu hekkut.

Genesis 11:8

Yawe Nug anam ana he, ag aab okkai uɗat amu uuna, qatin gona, aben aben daappig.

2 King 6:9

Amge Kayaknu danab Elisa, nug Aram ag aben amuppa haen tutu dayaknu aab ⌊nakok⌋ kalaglagnu heppig amu doya, nug nai imu Israel dilag kingnu me ukkom. “Aram dilag daup ag aben da iikku ippuanidttem, ag appa haen tutu dayaknu aab ⌊nakok⌋ kalaglagnu gona hetteb amunu, ag aben amuppa gomananu dabmeig!” Elisa nug nai amu me ukkom.

Nehemaia 4:9

Ag maittak amu aoppig, amge ig ihinig Kayak unuqittatta, ig danab laala ag amun, laala tuqan kekeɗ uɗippeg anadna eppeg, ig oh ahat ban hekkunignu otiadmut.

Jeremaia 19:7

Juda danab, laa Jerusalemnu, laa Juda wanppa laih laihnu amu, ag aɗi aɗi hekkulagnu, ag attem attem daaglagnu maittak aotteb amu, aben imuppa da heppi, maittak amu iitta mekku. Juda dilag kekeɗ, ag Juda danab aqaglagnu hetteb ele amu, da heppi, ag ag qep elabppa aqappeg mauhkkulag. Da heppi, ag aqappeg mauhppeg, ai hab waappa hagagaɗna oitteb, doɗ wanppa oitteb ele amu, ag gaɗalag lakkulag.

Esekiel 20:32

Amu Naɗi Yawe Nug atte. “Ag atteb. ‘Ig wanppan wan ohppan danab ah, ag kayak hambuppuak, dottolkad adppa hak, o menppa hak noolagppa dup nona binalag metteb ele, ig ag bia daat, anam hekkunignu oonig daatte,’ aon atteb, amge da heppi, ag amubia iinab hemana,” awa atte.

Malakai 1:4

Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.