Sam 32:11 - Nobonob Baibel

¹¹ Amunu ag genab tutukku hak danab ah, ag Yawe Nug aɗi keeke ena oh heum, ag amunu oolag ena doon, oolag gamag ahaɗ! Ao, ag genab tutukku hak danab ah, ag oo gamag ahak okkainab doon ahi etteg!

Sam 32:11 Referans Kwoze

Sam 64:10

Aun aɗi ag genab tutukku hak danab daatteb, ag Yawenu oolag gamag ahakku. Ao, ag Nug ag padal mak eɗidna ena daaglagnu Nug waappa daaglag. Ge, ag kobol tutukku henana, ag Nug humidkkulag.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

Sam 97:12

Aun aɗi ag genab tutukku hak danab ah daatteb, ag Yawenu oolag gamag ahaɗ! Ao, ag Kayak, Nug oppiaawak ele, ag Nug binag meig!

Sam 97:1

Yawe Nug am King! Wanppan danab ah oh ag gamalag ahaɗ! Ao, ag danab ah ag nud ohppa daatteb amu, ag gamalag ahaɗ!

Sam 5:11

Amge na heppe, aun aɗi oh ag padal mak eɗitteb ena dayaknu ehanittak nahip-ppanu aotteb amu, ag oo gamag ahak dooglagnu unuqidttem. Ao, na heppe, ag gamag ahak ahi hanhan ettaglagnu ool daatte. Ge, na laa ag nahipnu oo mauhak doonna oitteb ele ehanadppe, ag padal ii memana, ag nahipnu gamag ahak naɗi dooglagnu oɗ medattem.

Sam 68:3

Amge Nug heeb, genab tutukku hak danab ah ag gamag ahak dooglagnu ool daatte. Ao, ag Kayak noobppa daan, gamalag ahakkunu ool hette. Ag maɗoɗppan gamag ahak naɗi ele daan, tuɗidib dooglagnu ool daatte.

Sam 33:1

Ag genab tutukku hak danab ah, ag Yawe binag mekkulagnu ahi etteg! Ao, ag genab tutukku hak danab ah, ag Nug binag mekkulag am ena!

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Rom 5:11

Amuib iitta, ihinig Naɗi Jesus Kristus Nug he, ig Kayak ele oonig laippu ele daattem amunu, uɗat nuhig amuppa gemu ig Kayaknu maɗoɗppan gamag ahak doottem.

Sekaraia 4:7

Amu engel nug Yawe oɗeppanu nai anam ana, nug nai tuɗitta aum. “Keeke aɗi, qauko naɗi, o aɗi keeke laa, keeke amu nug Serubabelnu ib iinab oo nema. Qauko laa daakku dayeb, Kayak Nug heeb, qauko amu honap na, uɗem daakku. Nug anam heeb, Serubabel nug Kayaknu mettid lag ha malakku. Nug ha malebeb, danab ah ag enan, Kayaknu itittak enappa lag imu beum! Kayaknu itittak enappa lag imu beum! ekkulag,” awa aum.

Sam 125:4

O Yawe, na laa ag kobol ena, tutukku ele dim lamidna hetteb amu, na amu dilag ena hekkutnu oɗ medattem. Ao, laa ag oolag unuqagppa kaliak laa ii daatte, na ag ena hadakkutnu unuqidttem.

Sam 32:2

Danab laa Yawe Nug nuhig hipunin uhuqa mettom daatte, bu laa aokkunu ii daatte amu, danab amu nug itittak ena awom daatte. Ao, danab laa nug ooppa hambuppuak laa ii daatte amu, nug itittak ena awom daatte.

Sam 7:10

Kayak Attannab Laa Oh Eɗattak Nug dahil guppiɗ daatte. Nug aakkuib laa ag oolagppa kobol tutukku, kobol genab dabmenan dim lamidtteb amu, Nug ag ehanadtte.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.

Sam 98:4

Ag wanppan danab ah, ag gamag ahak naɗi doon, ag Yawe binag mekkulagnu baalag okkaippa eig! Genab, wanppan danab ah oh ag gamag ahak naɗi doon, laippun digmena, ahi etteg! Ag ahi ettanna, qedadaɗaknu keekeppa qedadaɗeg!