Sam 32:10 - Nobonob Baibel

¹⁰ Uug digdig geha nau hak danab dilagppa bekku, amge Yawe Nug danab ah ag nuhignu oolagppa genab dootteb ele, Nug ahilagnu oo mauhaknab dootte.

Sam 32:10 Referans Kwoze

Prowerb 16:20

Aun laa nug ⌊Kayak nainu⌋ ippunittak awa dabmedatte, nug ena daakku; amu aun nug Yawenu ooppa genab dootte, nug itittak ena awom daatte.

Prowerb 13:21

Uug nug hipunin danab ah dim lamatta, aben oh ag gottebppa ele gotte; amge genab tutukku hak danab ag ena aon daatteb.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 146:5

Amu danab aun nug Jakopnu Kayak eppegppanu ehanittak aotte amu, nug itittak ena awom daatte. Ao, aun nug Yawe, nuhig Kayak, nug Nug eppegppanu ehanittak awa, gogppa tekkunu ameg mette ele amu, nug itittak ena awom daatte!

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Sam 5:12

Aɗinu? Amu O Yawe, na genabnab danab ah ag genab tutukku hak kobol dim lamidtteb ele itadttem. Ao, na ii helom bia me, na hee, nahip ehanittak amuam guppiɗ bia taliliatta daatte.

1 Timoti 6:10

Keeke eheɗ ohnu diig laa am enubnu oo mauhak kobol. Danab laala ag enub ele daaglagnu wagai metteb ele amu, ag aakku ooppa genab doyak kobol uuna, uug kuɗum aakku aoppig daatteb.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Sam 16:4

Danab ah ag kayak laa noolagppa dup nona binalag metteb, amuam kayak hambuppuak, danab ah amu ag akka ahilagppa uug qagmetteb. Ao, haen ag doɗ laa main, kayak ahilag madatteb amu, da ag oolagppa ii daapa. Da ahilag kayak noolagppa dup noin binalag ii mepa.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Eklisiastis 8:12

Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 40:4

Danab nug Yawenu ooppa genab dootte, nug dada danab dilagppa ehanittak aokkunu dab-ii-mette, nug kayak hambuppuak ele binalag ii maama oitte, danab amu nug itittak ena awom daatte.

Aisaia 57:21

“Ge, nau hak danab, ahilagnu amu, maɗoɗ nakok laa ii daatte.” Dahil Kayak, Nug anam atte.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.