Sam 30:7 - Nobonob Baibel

⁷ O Yawe, ⌊am genab⌋ na ii helom bia me, na da ehaniɗme amu, haen amuppa na hee, da qauko ii uɗalttebia ii uɗalmi. Ao, am anam, amge na ehanittak amu ii meɗan, nakka dahilppanu lokkumidme amu, haen amuppa da ool uug nau qeum.

Sam 30:7 Referans Kwoze

Sam 104:29

Haen na ii ehanadkkutnu dabmena, dimattai, ag eheɗ nau baɗatteb. Yo, na ag ouɗi ii mattai, ag mauhtteb. Ag mauhna, ag eɗun gappud metteb.

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Sam 89:17

Aɗinu? Na am ahilag binag amahlak oppiaawak ele, na ahilag ɠagattag ele daattem. Ao, na ii helom bia me, na ehanittak kobol nahip amu, kobol amuppa na hee, ig ɠagattag daattem.

Sam 40:2

Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

Sam 5:12

Aɗinu? Amu O Yawe, na genabnab danab ah ag genab tutukku hak kobol dim lamidtteb ele itadttem. Ao, na ii helom bia me, na hee, nahip ehanittak amuam guppiɗ bia taliliatta daatte.

Job 10:12

Na da bau dayak meɗan, dahilnu oo bodoettak kobol dim lamidme. Yo, na amu henana, na da bau daakkulnu atognoiɗme.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Sam 102:10

Aɗinu da anam dayeye hettem? Na dahilnu oppoɗin huana beum. Na da awiɗna mawiɗe, dimittim gomi.

Sam 44:3

Amu ag akka, ahilag qep elabppa wan amu ii aoppig. Ge, ag akka ag ahilag ɠagattagppa, kekeɗ wan amuppa daappig ele ii eɗadppig. Amu iitta. Na ahilagnu oo mauhak doome amunu, na ag ele hanhan daan hena, nahip ɠagattag amuppa ehanatte, ag kekeɗ eɗadppig.

Sam 10:1

O Yawe, na uma daattemnu diig appe dookkulnu oɗ medattem. Yo, uug da toniɗom daattem, haen amuppa na nakka na lokkumna daattemnu diig appe dookkulnu unuqidttem.