Sam 30:6 - Nobonob Baibel

⁶ Haen da ɠagattag dayeye, da ami. “Aɗitai laa heeb, da ii nein qepa!” ⌊Amge da anam ami dimppa amu, uug iwom.⌋

Sam 30:6 Referans Kwoze

Sam 119:117

Da eheɗ laa eppegppa ii daapanu, da ena daakkulnu, da nahip ɗo hanhan dabmeinna oikkulnu amu, da na ehaniɗkkutnu oɗ medattem.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

Luk 12:19

da dakka, da inam dabmekkul. “Da lagnu keekenu laa ii bahuhupa, dahil keeke ena ena daatte, maɗ kuɗum daakkunu elele. Aria, da hik awe dayeye, da ee, le ele oh lanakib lainne, gamag ahakppa daakkul,” ’ awa aum.

Sam 16:8

Da haen oh bau dayeye, Yawe neekkidttem. Yawe Nug hanhan ouiwa daatte anidttem. Nug da ele ouqeɗa, ɠagattag meɗatte amunu, keeke laa da ii uɗaliɗma.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Aisaia 47:7

Ag Babilon ag kuin laa nug nukka nuhignu, ‘Da hanhan kuin daakkul,’ atte, amubia ag Babilon ag, ‘Ig hanhan wan oh dilag okkai daagnig,’ appig. Ag anam appig, amge ag eheɗ hak ahilag, ag amunu nob nau ii dabmeppig. Ag eheɗ hak ahilag, ag amunu nob nau ahilagppa bekkunu elele amu, ag amunu dabmak nakok laa ii aoppig.

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Sam 10:6

Am ag akka anen anen ahilagnu inam atteb. “Keeke nau laa dahilppa iinab bema! Da am uug laa iitta, hanhan hamunab daakkul.” Ag anen anen anam aon atteb.

Sam 126:6

Am genab, laa ag gaanna, ee aeg ebatteb ele, ag geha gamag ahak okkai ele ee meu aon uɗinna, ag ahi ettaglag.

Aisaia 54:7

“Haen tutunab aakkuib da uuatten, laih daami, amge da ool huana matten, ehanatten heppi, ag eɗun dahilppa dokkulag.