Sam 30:4 - Nobonob Baibel

⁴ Danab ah ag Yawenu oo metta ii uuak kobol dim lamidtteb ele, ag Yawenu ahi etteg! Yo, ag Yawe, Nug oppiaawak daatte amu, ag Nug binag meig!

Sam 30:4 Referans Kwoze

Sam 97:12

Aun aɗi ag genab tutukku hak danab ah daatteb, ag Yawenu oolag gamag ahaɗ! Ao, ag Kayak, Nug oppiaawak ele, ag Nug binag meig!

Revelesen 4:8

Hab daup waɗele Kayaknu bauklel aotteb ele, ag oh haulkad eblaih laippu ele, ag haulag qaɗeppa, waappa ele amelkad doɗo kuɗum ele. Ag tuqan amun ele Naɗi binag menana, inam atteb. “Naɗi Kayak Nukka Ɠagattag Oh Ele, Nug oppiaawak, Nug oppiaawak, Nug oppiaawak. Nug gemu daatte, anukka dayom, dimppa uɗikkunu ele daatte.” Amun, tuqan ele ag anam anana daatteb.

Sam 148:14

Yawe he, laa nug nuhikkud danab ah dilag king daatte. Laa aun aɗi ag nuhikkud danab ah daatteb, ag nuhignu oo metta ii uuak kobol dim lamidtteb ele, ag king amu binag mekkulagnu elele. Ao, Israel danab ah ag Yawe guguittak daatteb, ag king amu, ag Nug binag mekkulagnu elele. Ag Yawe binag meig!

Sam 132:9

O Yawe, na mana mettak danab ehanadppeppe, ag kobol genab tutukkuib hekkulagnu oɗ medattem. Ao, nahipad danab ah ag nahipnu oo metta ii uuak kobol dim lamidtteb ele, ag gamag ahak doon, ahi ettaglagnu unuqidttem.” Ig anam amut.

1 Stori 16:4

Amu dimppa Dawit nug Lewi buɗub laa ag Tituanak Nainu Kunup noobppa daanna, ag Yawenu ɗo maɗoɗnu uɗat hekkulagnu, ag Yawe unuqidkkulagnu, ag Nug amegppa, “Ena heme,” akkulagnu, ag Yawe, Israel dilag Kayak, ag Nug binag ele mekkulagnu tituanattom.

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Sam 50:5

Nug atte. “Danab ah aun aɗi ag dahilnu tituana meɗak daatteb, ag aun aɗi ag doɗ main meɗaeg, amuppa ag da ele nug tituanta nai qakkat laippu daattem amu, ag dahilppa uɗieg!” awa atte.

Sam 32:11

Amunu ag genab tutukku hak danab ah, ag Yawe Nug aɗi keeke ena oh heum, ag amunu oolag ena doon, oolag gamag ahaɗ! Ao, ag genab tutukku hak danab ah, ag oo gamag ahak okkainab doon ahi etteg!

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

1 Samuel 2:6

Yawe Nug he, danab ag mauhtteb; Nug he, danab mauhppig ele amu, ag eɗun hippaidtteb. Ao, Nug he, danab ag moɗppa niitteb; Nug he, danab mauhppig ele amu ag hippaidna oitteb.

Sam 28:1

O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 107:20

Ag unuqitteg, Nug a, ag ena daappig. Nug ag mauhak ib oɗeppanu eɗua diia doum.