Sam 30:3 - Nobonob Baibel

³ O Yawe, da mauhkkulnu heiyi, na hee, da ii mauhmi. Ao, da mauhak abenppa gokkulnu heiyi, na hee, da ii mauhmi.

Sam 30:3 Referans Kwoze

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Sam 28:1

O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Sam 16:10

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na nug ii uuidmana amunu, Nug beɗu ii nauhma.

Sam 116:8

O Yawe, na ena heiɗme. Aɗinu da anam attem? Na da ehaniɗe, da ii mauhmi. Na da ehaniɗe, da ii gaattem. Na da ehaniɗe, da ii nein qettem.

Sam 71:20

Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Sam 56:13

Da anam hekkulnu diig am na hee, da ii mauhmi. Ao, na hee da nein ii qemi. O Kayak, na dahil amahlak, na da bau dayak meɗattem; da na oot hette bia wanppa dayeye oikkulnu, na dahilnu anam heme.

Job 33:28

Kayak Nug da qagaiettakppanu eɗua uhuqak ha meɗom, amuppa da mauhpanu uhuqiɗe, da ii mauhmi! Gemu da bau daye, enanag doottem!’ Danab amu nug anam atte.

Sam 107:20

Ag unuqitteg, Nug a, ag ena daappig. Nug ag mauhak ib oɗeppanu eɗua diia doum.

Aisaia 38:16

O Naɗi, nahip ehanittakppa danab ah ag bau daatteb. Nahip ehanittakppa da ele bau daattem. Na he, oɗe dahil iitta meum. Na he, da ii mauhmi, da eɗuen bau daattem.