Sam 30:11 - Nobonob Baibel

¹¹ O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Sam 30:11 Referans Kwoze

Jeremaia 31:4

Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

Eklisiastis 3:4

Danab ag gaanna daaglagnu haen daatte; danab ag imanna daaglagnu haen ele daatte. Danab ag mahiglagnu haen daatte; danab ag ahi goɗaglagnu haen ele daatte.

2 Stori 20:12

O Kayak ihinig, daup laihnu uɗippig amu, na ag epeɗiadna, ag eheɗ hetteb anidna, bu iite mattamna? Aɗinu? Danab banenig uɗin ig iqaglagnu hetteb ele, ag daup huanaknab, ig ag eɗadkkunignu elele iitta. Ig attem hekkunig amu, ig ii doottem, amge ig na neekkidttem,” awa unuqittom.

Sam 149:3

Ag ahi goɗanna, Nug binag meig! Ao, ag tambarin, harp ele henana, binag meig!

Sam 150:4

Ag tambarin qenana, ahi ele goɗanna, amuppa Nug binag meig! Ao, ag gita qenana, dumuttum iwalnana, amuppa Nug binag meig!

Luk 15:22

Nug digma anam aum, amge nug mameg nug maɗi nid nuhikkud onilagppa e doeg amelagppa aum. ‘Lamen elab enanag paha aon dona tagittona, ring laa aon dona, eppeg doɗoppa aɗappeg nob, baeg gaɗa ele aona, baegppa aɗappeg taɗ!

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

2 Samuel 6:14

Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

Revelesen 21:4

Kayak Nug heeb, amelag leb am iitta mekku. Danab ah ag baula ii mauhmana, ag baula ii mahimna, ag baula ii gaamna, amu ag guittak ele baula ii doomna. Aɗinu? Anukkan keeke amu oh iitta meum.”

Sam 4:7

O Yawe, haen danab ah ag ee aeg huana aon, wain bau ele huan hena, ag maɗoɗppan gamag ahak naɗi dootteb. Anam amu, na maɗoɗppan gamag ahak amu eɗittak da meɗame.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

2 Stori 20:9

‘Uug digdig, amuam kekeɗ ag uɗin, qep elabppa bu mekkaglagtai, o oɗe nau danab kuɗum aqe mauhtteb ele iqakkutai, o enug iqakkutai, uug amu laa ihinigppa beeb, ig uug nau amu dootta, ig mettid lag na onin daatteppa imu noobppa, appa na noomppa daat unuqidpput, na ihinig unuqittak doon ehanigppe, ig padal ii memata,’ aon appig.

Aisaia 25:3

⌊Na anam heme⌋ amunu, danab ah wan ɠagattagppanu, ag geha na binan okkai attan humaglag. Ao, wan laappan danab, danab amu ag laanu oo doyak ii doon nau hadatteb, ag nahipnu ebehilag oh bodoetta le mekku.

Esta 9:22

Nug ag deɗ aɗit amuppa ag lanak hobul okkai, gamag ahak okkai ele henana, ee hamu nug mettanna, ag daɗek ele ahilag daakkunu keeke hamu mattaglagnu aum. Amuam henana, Juda ag kekeɗ eppelagppan eɗua diiak amu daulagppa dookkunu aum. Haen amuam, ahilag haen nauhkkulagnu dayom, amge ag ahilkad kekeɗ eppelagppanu eɗua diiak aoppig. Ag oolagppa uug nau dooppig, amge ag eɗun, gamag ahak aoppig. Ag mahiak naɗi heppig am iitta me, gamag ahak aoppig.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Genesis 45:28

Nug eɗua, ɠagattag daya, nug aum. “Genabnab! Josep nug Isip wanppa bau daatte. Da ahen ukken anttoya, dimppa da mauhkkul,” awa aum.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

2 Stori 20:3

Ag aeg, Jehosapat doya, nug baɗa aha, nug Yawe antta dim lamidkkunu Nug madikkunu dabmak ɠagattag awa, nug Juda danab oh ag ee ohnu kud mena daaglagnu nai me ukkom.

Sam 27:7

O Yawe, da na dahil unuqittak imu dookkutnu unuqidttem. Ao, na dahilnu oot gai-iitta doon oot meɗan ehaniɗna, ewa unuqittak dahil imu nob mekkutnu oɗ medattem.

Jeremaia 52:33

Nug anam heum amunu, Jehoiakin nug baula maniguittak lamen ii takkom. Iitta. Nug lamen hamu maatta, hanhan nug King Ewil Merodaknu balalppa ee lattom. Nug anam ee laawo ukke ukke, nug mauhom.