Sam 30:1 - Nobonob Baibel

¹ O Yawe, na da ehaniɗe, da qagaiettakppa ii daattem amunu, da na humidkkul. Ao, na dahil kekeɗ uuatte da ii eɗilppig.

Sam 30:1 Referans Kwoze

Sam 25:2

Da na Kayak, da nahipnu aakkuib tutukku oolppa genab doottem. Na heppe, laa ag da eɗilppeg, uɗal ii nemanu unuqidttem. Ge, na kekeɗ dahil uuadppe, ag da eɗilon, oolag gamag ahamanu oɗ medattem.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Sam 140:8

O Yawe, na nau hak danab uuadppe, ag aɗi hekkulagnu oolag hette, ag amu hemananu oɗ medattem. Na ag uuadppe, ag aɗi hekkulagnu maidppig amu, ag ii hemananu unuqidttem. Ag hekkulagnu oolag daatte hekkulag dayeb amu, ag aakku enaen mena, dada danab ah bekkulag. Sila.

Sam 13:4

Da mauhkkul dayeb, dahil kekeɗ nug geha nug nukka nug onig huma akku. “Da aakku nug eɗidmi!” awa akku. Ao, da nein qekkul dayeb amu, dahil kekeɗ ag geha diig amunu gamalag ahakku.

2 Samuel 5:11

Dawit nug anam dayeye, Tair dilag king onig Hiram nug he, nuhig nai awa ukkak danab laala, kapenda danab, keeke menppa hak danab ele ag oh Dawit toppa goppig. Ag gonana, ag ad sida ele aon gona, kapenda, keeke menppa hak danab ele ag Dawitnu lag enanagnab heppig.

Gayak Nai 2:15

Ag Juda danab ah, ag bu aakku aoppig amunu, gemu aun aɗi ag Jerusalem guguittak oitteb ele ag aon aon aqan, ag ahilagnu, “Keeke hamunab,” doon, ag ikkilag matuɗtteb. Ag atteb. “Aab okkai imunute anukka danab ah laa ag inam anan oippigte? ‘Neekkakppa aab amuam wan atu ohppan aab laa eɗattak; wanppan danab ah oh ag Jerusalem appanu gamag ahak aotteb.’ Ag anam anan oippigte?”

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Sam 79:10

Am danab ah wan imuppan wan anen anennu ag na, ihinig Kayak, ag nahipnu oɗ mena atteb, “Kayak ahilag am adekku?” Ag anam hetteb am ena iitta. Am ig amenigppanab laa ag nahipad maɗi nid aqaeg mauhadppig ele amu, na ag eheɗ heppignu nob tutukku madappe, danab aabaab ohppan ag na amu hettemnu dooglagnu oonig daatte.

Sam 41:11

Na kekeɗ dahil uuatte, ag da ii eɗilppig amunu, da imu doottem, na dahilnu ena doottem.

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Sam 27:6

Amunu da kekeɗ ag da taliliɗppig daatteb, da ag eɗatten, ool gamag huana ahebeb, mettid haknu peh lagppa mana mettak hekkul. Da ahi edette, musik heinne, Yawe binag humakkul.

1 Stori 21:6

Joap nug anam Dawit amegppa aum, amge nug Dawit nug ebqak amu haknunab aum, nug amunu ena iinab doyom amunu, nug Lewi buɗub, Benyamin buɗub ele, nug amu dilag ebqak laa dilag ebqak ooppa me, Dawit amegppa ii aum.

2 Samuel 24:25

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Dawit nug amu he, Yawe Nug Dawitnu unuqittak doya, Israel ehanatta he, oɗe nau danab kuɗum aqe mauhtteb ele aakku iitta meum.

2 Samuel 7:2

nug propet Natan amegppa aum. “Gadon, da lag enanagnab, ad sidappa hak, da lag amuppa iikku daattem, amge Kayaknu Tituanak Nainu Kunup am pehppa daatte,” awa aum.

2 Samuel 6:20

Dawit nug anam hewowa, haen nug nug baekkudppan ele itittak ena madakkunu ukke amu, Saul aɗeg Mikal nug dimittim uɗia, uɗa ta, amegppa aum. “Na king, na nakka na gemu onin memede! Na danab kaaka, dabmak iitta ele nug lamen iitta oitte, na anam bia hee, nahipad ehanittak ah dilag begbeg maɗi ah, ag na anam anidppig,” awa aum.

Duteronomi 20:5

Mana mettak danab nug ban danab amelagppa nai mattia maleb amu, ban daup ikki ag ban danab amelagppa akkulag “Aun laa na lag laa heme, amge na ii qeapime? Ii qeapime dayeb, banppa ag na nidappeg mauhppe, laa ag na laut qeapimnanu, na eɗun aabppa gokkut!

Sam 79:4

Danab ah ig guguikkak daatteb ele, ag ig aon aon iqatteb. Ao, danab ah ig talilikkak daatteb amu, ag ihinignu, “Keeke hamunab,” doon, ag imigtteb.

Sam 66:17

Da Nug ehaniɗkkunu onigppa ein, da ahi ettalattette, Nug binag memi.

2 Samuel 20:3

Am King Dawit nug eɗua, nuhig lag enanagnab, Jerusalem dayom amu, nug appa ta, nug wauud amge wauudnab iitta eblaih tanig ele, nug ag daanna, nuhig lag enanagnab, amunu keeke ele atognoadkkulagnu uuatte daappig amu, nug ag lag laappa, ag lag amu uun oiglagnu elele iitta, nug ag appa maatte, piɗe anam daappig. Dawit nug ag ele baula ii niippig, amge nug he, ag ee keeke, elele daappig, keeke laanu tutu ii daappig. Ag ah qab bia anam daaeg ukke, mauhppig.

1 King 8:63

Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Yawenu mettid lag qeapina, Yawenu tituanna medappig.