Sam 29:8 - Nobonob Baibel

⁸ Yawe Nug baag oqottinu ɠagattagppa he, atu taɗak uɗaltte. Yo, Yawe Nug he, atu taɗak onig Kades uɗaltte.

Sam 29:8 Referans Kwoze

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Sam 46:3

Yute uɗala, oqotti huan oa, hipaɗ qaaqa heeb, qauko uɗalkkutai, amge ig amunu ii baɗamta. Sila.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Job 9:6

Kayak Nug he, wan imu uɗalala, abenppa ii daatte. Ao, Nug he, wan mawaknu keeke okkai okkai am uɗaltte.

Hibru 12:26

Anukka Kayak Nug oɗeppa nai aawo, wan uɗalom, amge geha Nug nai qakka inam aum daatte. “Da geha baula wan heppi uɗalkku, amge wanib iitta, hab ele oh uɗalkkulah,” awa aum.

Hagai 2:21

“Na Serubabel, nug Juda dilag gawana, na nug amegppa inam appe doyaɗ! Da heppi, hab, wan ele uɗalkku.

Hagai 2:6

Aɗinu ag ii baɗamna? Yawe Nukka Ɠagattag Oh Ele, Nug inam ele atte. “Haen elab iitta, da hab, wan, yu, wan qaɗaiettak ele oh baula heppi uɗalkkulag.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.