Sam 29:3 - Nobonob Baibel

³ Haen Yawe Nug nai maditte amu, Nug baag oqotti am okkainab, yu oqotti eɗittak. Ao, Kayak, Nug binag amahlak oppiaawak ele. Haen Nug nai maditte amu, Nug baag oqotti am hakkaɗ qette bia. Amu genab, haen Yawe Nug nai maditte amu, Nug baag oqotti am hakkaɗ qak bia, amu yu oqotti okkai ele eɗittak.

Sam 29:3 Referans Kwoze

Eksodas 9:33

Aria, Moses nug Paro uuitta, aab okkai dimittim ukka, nug eppeg hume attan te, Yawe unuqittom. Unuqitte, hakkaɗ baula ii qe, ais doɗo baula ii ne, gu huana ele ii neum; mataɗom.

Eksodas 9:28

Ais doɗo am hakkaɗ ele ig eheɗ iqatte amunu, na amu iitta mekkunu Yawe unuqidkkutnu oɗ medattem. Da geha heppi, ag gokkulag; ag baula ippa ii daamna,” awa aum.

Revelesen 19:6

Nug anam a amu, da keeke laa danab ah kuɗum baalag bia, am le okkai buɗuɗuppa noawa oqotti otte amubia, amu hakkaɗ okkai qa aɗeɗe neene, oqotti otte, da amubia dooiyi amu ag enana appig. “Naɗi Kayak Nukka Ɠagattag Oh Ele ihinig Nug King daatte amunu, ig Nug binag metu!

Revelesen 16:18

Anam a amu amemɗi awewe, hakkaɗ diigppa qeeqe, hakkaɗ qa aɗeɗe ne, mim okkainab ele neum. Digmakppa uɗie uɗie, deɗ mim amu neum, haen amu ohppa danab ah wanppa daanna, ag mim okkainab laa amu bia neene ii anidppig. Iitta! Neum imuam laa oh eɗattak.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.

Revelesen 4:5

Daaegeg amu sia king ⌊anuqak⌋, amuppanu amemɗi digma amahala ugekke, hakkaɗ diigppa qeeqe, hakkaɗ qa aɗeɗe ele neum. Lam eblaih aɗit ele ag sia king ⌊anuqak⌋ noobppa eonna daappig. Lam amu ag am Kayak Ouɗi, kobol ena oh nuhigppa ambak daatte ele, am Nug ippunigtte.

Sam 104:3

Nug bud oh eɗattak appag heum daatte. Ao, Nug bud he, nuhig oiyaknu karis daatte. Ge, Nug ulah eɗittak pahanab gotte.

1 Samuel 7:10

Samuel nug doɗ mana, Kayak medette, Pilistia ag ban digmena hekkulagnu Israel gukkuadna uɗippig, amge Yawe he, ag daappig ikkilagppa hakkaɗ eheɗ qa he, Pilistia dilag dabmak kabolie, ag eheɗ baɗan, Israel noolagppanu oolna goppig.

Eksodas 19:16

Moses nug anam mattie ukke, deɗ ebqak ewam amuppa, buttua hakkaɗ qeeqe, amemɗi awewe, buttuɗai teppu ele qauko igippa daye, trampet iwalak huanak ele dayom. Anam daye, danab ah oh aabppa daappig amu, ag eheɗnab baɗana, beɗulag hahaɗom.

Revelesen 8:5

Te amu, engel nug tappiɗ awa, qaɗabppa aab aɗu ite, ambe, buɗie ukka, wanppa noum. Anam he amu hakkaɗ qa aɗeɗe ne, hakkaɗ diigppa qeeqe, amemɗi awewe, wanppa ele mim neum.

Jon 12:29

A amu, danab ah laala appa daappig amu, ag, “Hakkaɗ qeum,” aon appig. Laa anam aeg, amu laa ag appig, “Engel laa Nug amegppa nai mattiom,” aon appig.

Aposel 7:2

A amu, Stiven nug mehuqa amelagppa aum. “O da lailad, da mamelad ele ag doyeg! Anukka ig alanig Abraham nug Mesopotemia dayaya, nug Haran ii ukkom, haen amuppa Kayak, nug binag amahlak oppiaawak ele, nug Abraham gumitta noa, amegppa aum.

Job 36:33

Nug he, hakkaɗ qe, ulah, gu ele nekkunu hette danab ah ippunadtte. Yo, makau ele ag gu nekkunu doon, ahilag hakppa, danab ah ippunadtteb.

Job 40:9

Da, Kayak, da ɠagattag okkainab ele. Na ele anambia daattemte? Ge, da baalppa nai oqotti okkainab, hakkaɗ qak bia akkulnu elele. Na ele anam bia hekkutnu elele daattemte?