Sam 29:11 - Nobonob Baibel

¹¹ Yawe Nug danab ah nuhikkud ɠagattag madatte. Yawe Nug danab ah nuhikkud itatta, maɗoɗ madatte.

Sam 29:11 Referans Kwoze

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Aisaia 40:29

Nug danab beɗu bodoettom ele ɠagattag medatte. Ao, Nug danab gai-iitta meum ele he, nug ɠagattag ele daatte.

Sam 68:35

Kayak Nug nuhig mettid lakka dayeye, danab ah ag Nug anidna, ag ebehilag oh bodoetta le mette. Nug am Israel dilag Kayak. Nug danab ah nuhikkud ɠagattag aqadtte. Ig Kayak binag humatu!

Sam 37:11

Aun aɗi ag dagom daan, ag akka onilag qeeg nette ele, ag geha ag aulag wan imu aɗan daaglag Ag daan, ii baɗaglag, ag maɗoɗ naɗi ele daaglag.

1 Korint 1:3

Amu ig Mamenig Kayak, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu oonih daatte.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Sekaraia 10:6

Yawe Nug atte. “Da Juda danab ɠagattag madakkul. Ao, da Israel danab ele ehanadppi, ag padal ii memana. Da ahilagnu oo bodoetta le mak doottem amunu, da heppi, ag eɗun, ahilag wanppa uɗin daaglag. Da matu geɗadmi, amge da am Yawe, ahilag Kayak amunu, haen amuppa ag da deɗ laa ii geɗadlom bia daaglag. Da ahilag unuqittak doyen ehanadkkul.

Sam 72:3

Anam amu qaukoppa, ⌊aben laa ohppa ele⌋ maɗoɗ daakku. Ao, qauko nakok, amuppa, ⌊aben laa ohppa ele⌋ genab tutukku hak kobol nug daakku.

Epesus 2:17

Nug aakkuib uɗia, ameg laa uma daappig, ameg laa miag daappig ele amu, Nug ag oh ag oolag laippu maɗoɗppa daaglagnu aum.

Sam 85:8

Amu da Kayak Yawe Nug aɗi atte, da amu dookkulnu daul humakkul. Aɗinu? Nug nuhikkud danab ah, ag nuhignu oo metta ii uuak kobol dim lamidtteb ele, Nug ag maɗoɗ matteb daaglagnu nai ana qagatte, amge ag eɗun, anukkanu Kayak dab-ii-maama hak kobol aib heppig.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Revelesen 1:4

Da Jon, da Kristen tamaniak eblaih aɗit ele Asia wanppa daatteb ele, da ahilagnu iikku yaattem. Kayak Nug gemu daatte, anukka dayom, dimppa uɗikkunu ele daatte, Nug, amu nuhig Ouɗi, kobol ena oh nuhigppa ambak daatte, Nug Kayaknu sia king noobppa daatte, amu Jesus Kristus, Nug keeke imu ohnu aɗi anttomnu mattiak danab dayaya, oo metta ii uuak kobol dim lamitta ippunikke anidttem, Nug danab mauhppig ele dilag eɗua hibaittak danab anuqak, wanppanu king oh dilag okkai ele daatte amu, ewam amu oh ag ahilag ehanittak okkai hamu mettak, ahilag maɗoɗ ele amu, ag danab ag tamaniak eblaih aɗit ele ooppa daatteb, ahilagppa daaglahnu ool daatte. Kristus, Nug ihinignu oo mauhe, Nug tiigppa ihinig hipunin oh uhuqom,

Sam 85:10

⌊Qinob, Kayak Nug heeb,⌋ oo mauhaknab kobol, amu oo metta ii uuak kobol ele aa ouqak miagib daaglah. Ge, genab tutukku hak kobol, amu maɗoɗ kobol ele am tamaniya daaglah.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Sam 72:7

Genab tutukku hak danab ag nug king dayebeb, ag enaib daaglag. Nahipad danab ah ag haen oh, gemu ukkeb gog tak haenppa ele, ag maɗoɗ daaglag.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.