Sam 29:10 - Nobonob Baibel

¹⁰ Yawe Nug yu okkai gumatte. Ao, Nug king okkai hanhannu daatte.

Sam 29:10 Referans Kwoze

Sam 10:16

Yawe Nug king hanhannu daatte! Ao, O Yawe, na heppe, laa ag kayak laala dilagnu dup nona binag mak kobol hetteb ele ag nahip wanppa aib daappig.

Genesis 6:17

Da keeke bau wan qaɗeppa oitteb ele amu mauhkkulagnu heppi, le hiɗ naɗi bekku. Beeb amu, keeke amu oh mauhkkulag.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Mak 4:41

Jesus Nug anam he anidna, nuhikkud ippunittak awak danab ag baɗak eheɗ nau doon, ag akka akka appig. “Danab imu am aun? Ulah, le ele, aa ele nuhig nai dim lamidttep!” aon appig.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Sam 99:1

Yawe Nug king daatte! Wanppan wan anen anen oh dilag danab ah ag hahaɗeg! Ao, Yawe Nug sia king nuhigppa, engel okkai-kerubim aɗit dottolah gamalahppa daatte! Wan nug uɗalaɗ!

Sam 93:1

Yawe Nug danab ah gumadtte! Nug king bala meum. Ao, Yawe Nug king lamen takkom. Nug am ɠagattagnab. Yawe Nug wan abennabppa meum. Aɗitai laa mautkkunu elele iitta.

Sam 65:7

Amu na aakkuib hee, yu duban qa, koɗkoɗ qette amu, manin niitte; amu wan anen anen danab dilag ban hak amu, naib hee, iitta mette.

Sam 29:3

Haen Yawe Nug nai maditte amu, Nug baag oqotti am okkainab, yu oqotti eɗittak. Ao, Kayak, Nug binag amahlak oppiaawak ele. Haen Nug nai maditte amu, Nug baag oqotti am hakkaɗ qette bia. Amu genab, haen Yawe Nug nai maditte amu, Nug baag oqotti am hakkaɗ qak bia, amu yu oqotti okkai ele eɗittak.

Job 38:25

Laa amu, atu taɗakppa, danab ii daattebppa, ge, atu taɗakppa, auntai laa appa ii oittebppa, appa aun nug gu huana nekkunu ib bappaidtte? Ao, appa aun nug lombig hinqak gokkunu ib bappaidtte? Genab, aun nug atu hele-ettakppa, wan meu waknu nakokib elele, nug appa he, wan leppu ele aotte? Yo, appa aun nug he, gikkiɗah appa bette?

Sam 9:8

Nug geha genab tutukku hak kobol dim lamittatta, wan ohppan danab ah ib amuppa epeɗiadkku. Ao, nug geha nai doya mala hettoɗia epeɗia elele mettak kobol dim lamittatta, wan atu ohppan danab ah atognoadkku.