Sam 28:4 - Nobonob Baibel

⁴ Am ag kobol ena iitta, am kobol nau, ag amu hetteb amunu, da na ag ahilag hak ena iitta, am hak nau amu, na amu oh eleleppa bu madakkutnu oɗ medattem. Ao, ag eppelagppa aɗi kobol ena iitta heppig amu, na ag ahilag hak ena iitta amu eleleppa nob madakkutnu unuqidttem.

Sam 28:4 Referans Kwoze

Revelesen 22:12

Nug anam a amu Jesus Nug aum, “Doyeg! Haen elab iitta da ana uɗikkul. Da nob ena, nob nau ele awe uɗikkul, amu da danab anen anen aɗi heppig, da amunu nob madakkul,” awa aum.

2 Timoti 4:14

Aleksander, nug am keeke brasppa hak doyak danab amu, nug da eheɗnab heiɗom. Dimppa Naɗi Nug kobol nug heum ele, amunu eleleppa nob medakku.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!

Rom 11:22

Anam amunu, ag Kayaknu oo bodoettak kobol, amu nuhig ɠagattag hak kobol ele ag antteg! Danab ag nuhig kobol dimedappig ele, Nug ɠagattag kobol nuhig ag ippunadtte, amge ag iitta aɗi ag gemu nuhig oo bodoettak kobol anidtteb. Amu ag oo bodoettak kobol nuhig amu ooppa daappeg, Nug ena hadakku, amge ag anam ii daappeg am Nug ag otakkatteb daaglag.

Esekiel 38:10

Amu Naɗi Yawe Nug inam ele atte. “Haen amuppa Gog, na dabmak aon, na eheɗ hak laa hekkutnu maittak aokkut.

Sam 103:10

Haen ig hipunin hemut, hipunin amunu nob nau aakku daatte, amge Nug hipunin amunu nob, Nug amunab ii mekkom. Ge! Haen ig hipunin hemut, hipunin amunu nob nau aakku daatte, amge Nug hipunin amunu nob, Nug amunab, ihinig nob eɗua mettak bia ii mekkom.

Sam 62:12

Ge, O Naɗi, oo mauhaknab kobolnu diig am naib. Am genab, na danab anen anen aɗi hetteb anidnana, ag nob tutukku madattem.

Sam 5:10

O Kayak, na epeɗiadna, ag eheɗ hetteb appe, miag atiak daakkunu oɗ medattem. Ao, ag laa dilag pelem metteb amu, ag pelem amuppa nokklagnu unuqidttem. Ge, ag na waatppa ii daan, tappe nak hetteb amunu, na hipunin ahilag kuɗum, na amunu lamadppe, ag laih gokkulagnu ool daatte.

Esra 9:13

Ag ig amenigppa anam appig, amge ig mamenkad, ig ele, ig nahip nai dim ii lamidmut amunu, uug ihinigppa beum; am ihinig eheɗ hak, diig amunu beum. Ge, ig beɗunigppa aab naɗi dayom amunu, uug amu ihinigppa beum. O Kayak ihinig, ig nau anam heut, na bu eheɗ nau megakkutnu elele, amge na nob aɗae ne, ig oh ii mauhmut; ig laippu laippu oɗo yaak danab iikku daattem.

Sam 21:10

Na heppe, ag buɗulkad laa wanppa ii daama. Yo, na heppe ag buɗulkad laippu laa danab ah oolagppa ii daama.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

Gayak Nai 3:64

O Yawe, laa ag amu hetteb amunu, na ag dahilppa eheɗ hettebnu nob elele ag madakkutnu oɗ madattem.