Sam 28:2 - Nobonob Baibel

² Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

Sam 28:2 Referans Kwoze

Sam 138:2

Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

Sam 140:6

O Yawe, da na amenppa attem. “Na am dahil Kayak!” Na dahil unuqittak doon, dahilnu oot gai-iitta doon oot meɗan ehaniɗkkutnu unuqidttem!

Sam 134:2

Genab, ag nuhig mettid lagppa ag eppelag humana, Yawe binag meig!

Sam 5:7

Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Daniel 6:10

Danab okkai amu ag anam heeg, king nug ɗo amu he ye, onig me, haen Daniel nug ɗo amunu doya amu, nug aha, lakka ukka, nug oo attan laa gililppa ulah ibuppa, danab nug appa dayaya, neekkeb laih Jerusalem daatteppa gokkunu elele, nug gililppa ulah ippu amuppa gateg qaun o, nug Kayak amegppa, “Ena hen mekkame,” anana, Kayak unuqittom. Nug deɗ ohppa haen ewam Kayak anam unuqittom. Nug kingnu ɗo nai amu ii babaittom haenppa heum bia tuɗitta heum.

Gayak Nai 2:19

Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!

Sam 143:6

Da na guguittaknab daakkulnu ool ahak ele daattem. Ao, atu qaɗaiettakppanab danab laa le baag diie, nug le aokkunu oo okkai daatte, amubia da na guguitten daakkulnu ool okkai daatte. Sila.

Sam 125:5

Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!

Sam 63:4

Da bau daattem haen imuppa, na amenppa, “Ena heme,” awe akkul. Da eppel hume, na unuqidkkul.

2 Stori 6:13

Amge imu oh ii hak haenppa, tatam⌋ Solomon nug balal okkai brasppa heum. Balal amu elab nuhig am 2 mita, 20 sentimita ele, nuhig emaitak am 2 mita, 20 sentimita ele, amu attan tak nuhig am 1 mita, 30 sentimita ele. Nug amu ha, nug balal amu danab ah dilag haɗap gamagppa me daye, Solomon nug amu attan ta daya, nug Israel danab ah oh daappig noolagppa gateg qaun o, nug ⌊haen amuppa nug⌋ eppeg laih laih oh bahia, eppeg oo oh ottale hume daye,

1 King 8:38

ig Israel, ig nahipad danab ah, ig anen anen uug ig oonigppa doot, ig oonigppanu aun nug eppeg bahia, mettid lag imu epponana, na unuqidkku dayeb,

1 King 6:19

Solomon nug Yawenu mettid lag oo ooppanab, am Oo Gunnab Ele, nug amuppa Yawenu Tituanak Nainu Kunup kontrak inak ele mekkulagnu babaittom.

1 King 6:5

Amu Solomon nug Yawenu mettid lag, heqo laih laih, amu bitobppa ele, nug amuppa lag laa bia tuɗitta heum. Lag amu ooppa, oo anen anen laa ag wanppa daappig. Amu oo anen anen laa, ag wanppanu oo daappig, amu qaɗelagppa daappig. Aria, oo anen anen laa ag gamagppanu oo qaɗelagppa daappig. Wanppanu digma ukka gamagppan oo daattebppan taknu am 2 mita maha ele. Aria, gamagppan oo daatteb, appanu digma, oo attan daattebppa, appa taknu am ele 2 mita maha ele.

Sam 130:2

O Naɗi, na da baal dookkutnu oɗ medattem. Ao, da na dahilnu na oot gai-iitta doon oot meɗan ehaniɗkkutnu unuqidppippi, na unuqittak dahil dookkutnu unuqidttem.

Sam 141:1

Yawe, da na oninppa ettem. Na pahanab uɗikkutnu oɗ medattem. Ao, haen da na ehaniɗkkutnu oninppa ettem amu, na amu dookkutnu unuqidttem.

Daniel 6:11

Amu danab okkai laa amu ag oh ahan, ameg laippu daan wana, Daniel nug Kayak unuqittatta, ehanittak medakkunu oɗ mettom anidppig.