Biblia Todo Logo
Bib sou entènèt

- Piblisite -




Sam 28:1 - Nobonob Baibel

1 O Yawe, na am kekeɗ niɗamnanu ehanittak dahil daattem. Na da ehaniɗkkutnu oɗ medattem. Na da ii ehaniɗkkut dayeb, da geha laa mauhppig, da amubia daakkul. Anam amu, da anam daapanu na dahil unuqittak dookkutnu oɗ medattem.

Gade chapit la Kopi




Sam 28:1
21 Referans Kwoze  

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.


Yawe Nug kekeɗ niɗamanu ehanittak dahil daatte; Nug aab aɗ ɠagattagnab dahil bia ele daatte. Nug ehanitte qagaiettakppa ii dayaknu ehanittak dahil daatte; Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daatte.


Ag anam awona amu, ag inamtai tuɗidna akkulag. “Danab nug bau dayaya, laippun oɗe awa mauha, gaɗa moɗppa notte, amubia ig moɗ bia daat, danab aotu! Ao, mauhak danab moɗppa noa daatte, amubia ig laa aopput, ig eppenigppaib dayaɗ!” akkulagtai.


O Kayak, na hamu daamnanu oɗ medattem. Na, O Kayak, na toettan daanna, ii ehanigkkutnu hemananu unuqidttem!


Engel nug anam ha, mat naɗinab baula maɗ 1,000 amu ooppa atu atunu danab ah ii hambuppualadmanu engel nug mat naɗinab mawe, moɗ oɗe noa ukka batak iitta eleppa no, od mana, qaɗeppa epponak keeke ɠagattag meum. Dimppa maɗ 1,000 maleb amu, laa nug od matula uhuqeb doa, haen tutuib nug aben ohppa oikkuoitte.


Yawe, ge Yawe, Nug am ihinig lokkumak aben ɠagattag, men laa hanhan daatte bia daatte. Nug geha anamib haen oh daakku amunu, ig hanhan nuhignu oonigppa genab dootu!


Kayak Nug da qagaiettakppanu eɗua uhuqak ha meɗom, amuppa da mauhpanu uhuqiɗe, da ii mauhmi! Gemu da bau daye, enanag doottem!’ Danab amu nug anam atte.


Aɗinu ⌊na ehaniɗe, da ii mauhmi⌋? Laa mauhppig ele ag na onin okkai mettan, ⌊ag baelkadppa aɗi amelagppa⌋ nahip ehanittaknu akkulagnu elele iitta. Ao, laa mauhppig ele ag na binan human, nahip ehanittak okkainu ⌊laa dooglagnu⌋ ahi ettaglagnu elele iitta. Laa boumaknu moɗppa niitteb ele amu, ag ⌊wan imuppa oinna,⌋ nahip layag oo metta ii uuak kobol na dim lamidnana, ehanittak mettaglagnu dabmekkulagnu elele iitta.


O Yawe, na amu ohnu doottem. Ag nai hambuppuak maditteb, amu na amunu bu madakkutnu oɗ medattem. O Naɗi, na da ii uuiɗmananu unuqidttem,


Da ami. “⌊O Naɗi,⌋ da mauhkkul dayeb amu, na amuppa ehanittak laa aokkutte? Ao, danab ag da mauhak moɗppa meiɗppeg amu, na amuppa ehanittak laa aokkutte? Da mauhe, moɗppa gappud mekkul dayeb amu, gappud amu na binan mekkute? Ge, da mauhen, gappud mekkul dayeb, da nahip oo metta ii uuak kobolnu danab ah oh amelagppa akkulte? ⌊Amu oh iitta⌋.


O dahil Kayak, deɗ oh amunppa da nahipnu ettem, amge na oɗelppa ii aottem. Yo, tuqan oh da unuqidttem, amge da oo mak laa ii anidttem.


Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.


Da Kayak ehaniɗkkunu gaattem. Ao, da Kayak Nug dahil unuqittak dookkunu oɗ medattem.


Amu le ui ele da toniɗmanu, o le gamag naɗi, umanab noa ukkak eleppa da amuppa noin mauhpanu, o da mauhen, moɗppa nopanu, da na, da ehaniɗkkutnu oɗ medattem.


Da auntai laa ii unuqidttem, na aakkuib da unuqidttem amunu, O dahil Kayak, dahil King, da na ehaniɗkkutnu unuqidttem imu dookkutnu, da na oɗ medattem.


Da Yawe Nug da ehaniɗkkunu huanak ettem. Yo, Nug dahilnu oo gai-iitta doya, oo meɗa ehanittak okkai meɗakkunu gayeye, oɗ medattem.


“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.


Da Nug amegppa attem. “O Kayak, na kekeɗ niɗamanu ehanittak dahil daattem. Diig aɗinu na da uuiɗme? Ao, diig aɗinu, da mahieye, gai-iitta oiiyi, kekeɗ ag eheɗ heiɗtteb?” awe attem.


Danab ah ag Yawenu oo metta ii uuak kobol dim lamidtteb ele, ag Yawenu ahi etteg! Yo, ag Yawe, Nug oppiaawak daatte amu, ag Nug binag meig!


Da unuqittette, da keeke da uug meɗatteb ele, da Yawe amegppa amunu attem. Yo, da keeke heeg, da uug doottem ele, da amunu Nug amegppa attem.


Swiv nou:

Piblisite


Piblisite