Sam 27:9 - Nobonob Baibel

⁹ O Yawe, na nakka na lokkumidmananu unuqidttem. Ao, na da, nahip maɗi nid, na dahilnu oot nauheb, di-ii-meɗamnanu oɗ medattem. Na am dahil ehanittak daattem. O Yawe, na da di-ii-meɗan, da ii uuiɗmananu na oɗ medattem. Na amu dahil Kayak, na aakkuib da padal mepanu ehanittak daattem.

Sam 27:9 Referans Kwoze

Sam 69:17

Da am nahip maɗi nid, na da dimeɗamnanu oɗ medattem. Da uug okkaippanab daattem amunu, da na paha ehaniɗkkutnu unuqidttem.

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Sam 102:2

Yo, da uug nauppa daattem haenppa amu, na da dimeɗamnanu oɗ medattem. Ao, haen da nahipnu eppi doon amu, na paha oɗelppa aokkutnu unuqidttem.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Sam 24:5

Aun aɗi ag anam hetteb ele amu, ag geha Yawenu itittak ena aoglag. Ao, Kayak, Nug ag padal memananu ehanittak ahilag daatte amu, Nug ahilagnu, “Ag am genab tutukku hak danab,” dookku.

Sam 119:121

Da nai doya mala hettoɗia epeɗia elele mettak kobol, genab tutukku hak kobol ele dim lamaten hemi. Na uuiɗppe, laa da eheɗ heiɗtteb ele ag eɗilna aɗailppeg, ag eppelagppa daapanu oɗ medattem.

Sam 88:1

O Yawe, na Kayak da ehaniɗe, padal ii mettem. Anam amu, da nahipnu hanhan amun tuqan ele unuqidttem.

Sam 51:11

O Yawe, na oot da meɗan, na heppe, da na uuitten ii gopanu oɗ medattem. Ao, na oot da meɗan, nahip Ouɗi oppiaawak ele, na Nug dahilppanu aɗilna ii aomnanu unuqidttem.

Sam 44:24

Na laih neegna, ig nahip ehanittak aognignunab daattem ii anigkkut am ena iitta amunu, na anam ii hemananu oɗ medattem. Ao, danab ah ɠagattag ag heeg, ig guittak dootut, eheɗ heigtteb. Na heppe, ag tuɗidna, amu hemananu unuqidttem.

Sam 13:1

O Yawe, na dahilnu daut atie daattem; am haen gane laa ele ukkeb, na eɗun, dahilnu dabmekkut? Na hanhan dahilnu daut atikkute? Ao, na da ii neekkiɗttem; amu haen gane laa ele ukkeb, na eɗun, da neekkiɗkkut?

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

1 Stori 28:9

Amu Solomon da bekkal, da na amenppa attem. Yawe Nug danab dilag dabmak unuqagppa daatte mattia anidtte, Nug danab nug diig aɗinunab keeke hette ele dootte amunu, na, na mamenad dilag Kayak, Nugib am Kayak dabmena doon, na meut ohppa, nahip dabmak ohppa ele Nug waappa daan, Nug oɗe dim lamitte! Na Yawe anidna dim lamidkkutnu Nug madikkut dayeb, Nug heeb, na Nug anidkkut. Amge na Nug dimettan, uuidkkut dayeb amu, Nug ele na geɗitteb, na anam daappe ukkeb, gogppa teeb batakkut.

Aisaia 59:2

⌊Anam amu Yawe Nug ehanadkkunu elele daatte, amge Nug ii ehanadttenu diig laala am ag Juda,⌋ ag hipunin heegeg, hipunin amu ag heeg, ag Kayak ele ouqak ii daatteb. Ao, ag hipunin heegeg, hipunin amu he, Kayak Nug ag ena ii neekkadtte amunu, Nug ahilag unuqittak ii dootte.

Sam 69:18

Dahil kekeɗ ⌊ag eheɗ heiɗtteb amunu,⌋ na da gukkuiɗak daanna ehaniɗppe, da amunu qagaiettakppanu eɗua uhuqak hena meɗakkutnu oɗ medattem. Ao, da kekeɗ eppelagppa daapanu na ehaniɗkkutnu unuqidttem.

Sam 102:3

Aɗinu? Kahug pahanab qatia gotte bia, haen elab iitta, dahil bau dayak qettoɗkku. Da beɗul am gakkaɗaknab, aab ewa qaɗab gakkaɗtte bia daatte.