Sam 27:7 - Nobonob Baibel

⁷ O Yawe, da na dahil unuqittak imu dookkutnu unuqidttem. Ao, na dahilnu oot gai-iitta doon oot meɗan ehaniɗna, ewa unuqittak dahil imu nob mekkutnu oɗ medattem.

Sam 27:7 Referans Kwoze

Sam 13:3

O Yawe, dahil Kayak, na eɗun aon, nai nob meɗakkutnu oɗ medattem. Ao, na da ii ehaniɗkkut dayeb amu, da mauhkkul.

Sam 5:2

Da auntai laa ii unuqidttem, na aakkuib da unuqidttem amunu, O dahil Kayak, dahil King, da na ehaniɗkkutnu unuqidttem imu dookkutnu, da na oɗ medattem.

Sam 4:1

O dahil Kayak, na am genab tutukku hak kobol aakkuib hettem. Anam amu, haen da na oninppa ettem, na nob meɗakkutnu ool daatte. Haen uug nau iutte amu, na dahilnu oot gai-iitta doon, oot meɗan ehaniɗna heppe, uug iitta mekkunu da oɗelppa aokkutnu oɗ medattem.

Job 10:2

Da Kayak amegppa akkul. ‘Na diig lokkumakppanu da amelppa, na eheɗ heme, ii amananu oɗ medattem. Ao, na da eheɗ hemi akkutnu daatte dayeb amu, na da hipunin atten atten hemi appe dookkulnu unuqidttem.

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Sam 31:10

Haen oh da wanppa dayeye, da uug kuɗum mawewe gaattem. Yo, maɗ oh da wanppa dayeye, da guittak doyeye oittem. Da ebehilad oh ele bodoedatte.