Sam 27:2 - Nobonob Baibel

² Haen eheɗ hak danab ag eheɗ heiɗkkulagnu uɗin, da iuglagnu hekkulag amu, ag nena qekkulag. Yo, haen dahil kekeɗ ag banel uɗiglag amu, ag nena qekkulag.

Sam 27:2 Referans Kwoze

Aisaia 8:15

Ao, Nug anam bia dayebeb, ⌊Juda danab ah kuɗum, Jerusalemnu kuɗum ele⌋ ag baelag qena, taataɗ qekkulag. Kuɗum ag nena qena, nauhkkulag. Kuɗum ag pelem amuppa nona nauhkkulag.

Sam 118:12

Dahil kekeɗ ag uppuh ameg naɗi bia da taliliɗppig, ⌊amge⌋ Yawe Nug da ehaniɗom amunu, keeke qaɗaiettaknab, aab laippun ewe iitta mette, amubia da ag hattai, ag nauhna laippun mauhppig.

Sam 14:4

Amu Yawe Nug oɗ mette. “Danab ag kobol nau hetteb, danab ag laa bret latte, amubia ag danab dahilad hattaeg nauhtteb, danab ah ag da Yawe ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

Sam 9:3

Na dahil kekeɗ eɗatte, ag oolna gotteb. Ao, na hee, ag nena qeeg, na ag hattai nauhtteb.

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

Job 19:22

Kayak Nug da uug meɗatte, amge aɗinu ag ele anam hetteb? Ge, doɗ laa nug layag qa, teppu lanan daatte, ag dahilppa anam hetteb, amge haen gane laa ele ukkeb, ag kobol amu uuglag?

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

Sam 18:4

Mauhaknu muɗi da qakkiɗe, da mauhkkulnu hemi. Yo, da amu, da danab nug le ui naɗippa mauhkkunu malom daatte, da amubia daami.

Job 31:31

Dahilad danab laa nug deɗ laa, ‘Ihinig okkai Job, nug danab amu he, enug qeeqe eɗua ukkom,’ alolob, ⌊da Kayak eppegppa eheɗ aolom am elele, am tutukku⌋. Amge anam iitta. Aɗinu? Dahil od am aab diig danab iitta dilagnu matulakib dayom amunu, ag uɗin, niiaknu aben iitta daan, ag dimittim ib giginppa niiglagnu dabmeegeg, da hei, ag da laulppa niippig. Ag dimittim ii niippig.

Sam 53:4

Amu Kayak Nug oɗ mette. “Danab ag kobol nau hetteb, ao, danab ag laa bret latte, amubia ag danab dahilad hattaeg nauhtteb, ge, danab ah ag da Kayak ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.