Sam 27:14 - Nobonob Baibel

¹⁴ ⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Sam 27:14 Referans Kwoze

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Sam 31:24

Ag aun aɗi ag ahilag dabmak oh Yawe toppa daatte, ag nuhig ehanittak aoglagnu dabmak aɗan oitteb ele amu, ag ɠagattag daan, ag oolag aib bodoettom.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Sam 37:34

Ag genab tutukku hak danab ah ag Yawe aɗi heeb anidkkulagnu ameg meig! Ag hanhan Nug aɗi atte amu heig! Ag anam hekkulag dayeb amu, Nug ag ehanatteb, ag geha ag aulag wan imu aɗan daaglag. Ge, Nug nau hak danab hatteb nauhppeg anadkkulag.

Sam 130:5

Da Yawenu ehanittak aokkulnu ool dayeye, da Nug amu hekkunu ameg mettem. Da Nug oɗeppa nai mattiom, da nai amunu oolppa genab doottem.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Habakuk 2:3

Aɗinu? Keeke da ippunidkkul amu, keeke amu nuhig haenppa bekku. Am uug gemu daattenu gog tak haenppan keeke. Am genab bekku; am hambuppuak laa iitta. Keeke amuam pahanab iitai bekku, amge na bahin aib yom. Iitta. Na ameg mena daye! Aɗinu? Keeke da na ippunidkkul am genabnab bekkun daatte, am nuhig bak haen am ii eɗidma.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Sam 62:5

Da Kayak Nug da ehaniɗeb, dahilppa ena bekkunu dabmak aɗe oittem amunu, da Nug noobppa dagom daattem.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Sam 138:3

Da na unuqitti, na dahil unuqittak doon, na nahip ɠagattag da meɗae, da ɠagattag ele daattem.

Prowerb 20:22

Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

Sam 33:20

Ig Yawe, Nugib heeb, keeke ena bekkunu dabmak aɗat daat, Nug ameg meta daattem. Ao, Nugib am ihinig ehanittak, ihinig guppiɗ ele daatte.

Rom 8:25

Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

Gayak Nai 3:26

Ig bodoettak, oonigppa maɗoɗ ele Yawe ehanikkeb, ig padal ii mematanu ameg mekkunig am ena;

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Sam 25:3

Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

Genesis 49:18

O Yawe, na da ehaniɗkkutnu, da na amen mettem.

Luk 2:25

Haen amuppa danab laa Jerusalem dayom, nug onig Simeon. Nug Kayak noobppa tutukku oiyaya, Kayak binag ena maama, Israel dilag ehanattak danab ameg meum. Kayak Ouɗi nuhigppa dayom.

Aisaia 8:17

Yawe, Nug gemu Jakop buɗub dimattowa, ii ehanadtte ele amu, da Nug ameg mebippi, ⌊Nug keeke oh hekkunu aum amu hekku⌋. Da Yawe, nuhignu oolppa genab dookkul.

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Sam 62:1

Da Kayak, nuhignuib oolppa maɗoɗ doottem. Ao, Nugib am Padal ii maknu ehanittak dahil daatte.

Sam 40:1

Yawe Nug da ehaniɗkkunu, da ool bodoettette dayeye, ameg mein daaiyi, Nug unuqittak dahil doya, da ehaniɗom.

Aisaia 26:8

O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

Luk 2:38

Haen amuppaib nug ele uɗia, Kayak amegppa, “Ena heme,” aum. Anana, nug nid amunu nai mehuqa, danab oh ag qagaiettakppanu eɗua uhuqak, ag ehanittak amu Jerusalem appa uɗikkunu ameg meppig ele, nug ag Jesusnu amelagppa aum.

Aposel 28:15

Ig Rom gokkunignu teutut, Romnu Kristen ag ig ukkautut doona, laala ag ig uɗanig tekkulagnu ahan, ee daden maknu aben onig Apius appa gona, laala ag aben laa onig Hik Awak Lag Okkai Ewam appa ele gona, aben aɗit amuppa ag ig anigppig. Pol nug anatta, nug Kayak amegppa “Ena heme,” ana, ooppa ɠagattag awom.

Sam 37:7

Na Yawe noobppa dagom daappe, Nug nuhig uɗat hekkunu na oot bodoettak ele Nug ameg mee! ⌊Hipunin⌋ danab ag enulag ele daaglagtai, amge na amunu, “Attemnab anam daatte,” na dabmak amu tuqa ii awak aib aɗan oime. ⌊Hipunin⌋ danab ag eheɗ hekkulagnu lokkumakppa doonna, maittak eheɗ aon, ag anam hekkulagtai, amge na amunu ele, na, “Attemnab anam daatte,” na dabmak amu tuqa ii awak aib aɗan oime.