Sam 27:11 - Nobonob Baibel

¹¹ O Yawe, kekeɗ dahilad ag da heiɗppeg nauhkkulnu hetteb amunu, na da ib nahip ena ippuniɗna omaiɗppe, ib tutukkuppa gokkulnu oɗ medattem.

Sam 27:11 Referans Kwoze

Sam 5:8

O Yawe, na genab tutukku hak kobolib heehe, da na ulum meɗakkutnu oɗ mettem. Ao, na nahip hak, nahip nai ele am miag atiak heppe, kekeɗ ag da ii eɗilmananu unuqidttem.

Sam 86:11

O Yawe, da nahip doyak diig genabib dim lamidkkulnu amu, na nahip ib ippuniɗkkutnu oɗ medattem. Ao, da nahipnu ebehil oh bodoetta le mekkunu na heppe, da na dim lamidkkulnu oo laippu dayak dayeye oikkulnu unuqidttem.

Sam 26:12

Da aben enanagppa daattem amunu, da Israel dilag tamaniak oolagppa, da Yawe binag mekkul.

Sam 119:10

O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

Sam 64:6

Ig amu hepput, dimppa aun nug ig hemutnu laa ippuanatteb anidkkulagnu elele? Ao, ig am keeke laa haknu maidta, autanab aomut ele amu, maittak amuam ena eleleib,” atteb. O gadon, am genab, danab ag oolag unuqagppa, ahilag dabmakppa ele eheɗ haknu daatte, amuam kaliaknab daattep.

Aisaia 35:8

Amu Yawe heeb, wan enanag dayeb, amuppa ib naɗi enanag ele daakku. Ib amu onig am Danab Oppiaawak Ba Daakkunu Ib. Danab ah ag Yawenu neekkakppa ag oolagppa dubuttid teum daatteb ele, ag ib amuppa ii oimna. Iitta. Ib amuam danab ah ag Kayakib dim lamidna, hipunin ii hetteb ele, ag ippulag aakkuib daakku. Nau hak danab ag Yawe dab-ii-mena ii dim lamidtteb ele, ag amuppa nakok laa oiglagnu elele iitta.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Sam 25:9

Nug danab ag akka ag onilag qeeg ne oitteb ele, am ib tutukku ippunadtte. Ao, Nug danab ah amu, nuhig kobol ena tutukkunab ele ippunadtte.

Luk 20:20

Aria mana mettak danab okkai amu ɗo mehuqak danab ele ag Jesus meidnana daanna heeg, ameg qakkak danab laala ag ahan Jesus gumidna goppig. Ag gona, Nug noobppa danab tutukku bia henan daappig, amge ag nuhig nai mattiak amuppa, ag ib laa anidna, aon gabmannu hettoɗiak eppegppa mekkulagnu heppig.

Prowerb 8:9

Danab ah ag diignu doyak tutukku ele, ag da nai attem am tutukku anam dootteb. Ao, danab ah ag doyak ena ele, ag da nai attem am nai enaib anidtteb.

Sam 25:12

Am danab ah ag Yawenu ebehilag oh bodoetta le mette ele, Nug geha ag ib attenppa oiglagoitte amu, Nug ib amu ippunadkku.

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Sam 54:5

O Kayak, dahil kekeɗ ag da guittak meɗaglagnu maidtteb ele amu, ahilag maittak amu akka ahilagppa heppe bekkunu oɗ medattem. Ao, na dahilnu oo metta ii uuak kobol dim lamidna heppe, ag iitta mekkulagnu unuqidttem.

Sam 5:9

Aɗinu? Kekeɗ dahil ag nai genab mattiglagnu elele iitta. Ao, ag oolag unuqagppa laa hadappeg nauhkkulagnuib oolag ahak daatte. Mattiak ahilag am uɗig wak nau, mauhak moɗ ooppan bia. Ge, ag nai maditteb, amge nai amuam nai hambuppuak.

Sam 139:24

Na appa neegna anidna, aɗi keekenu na oot ii hette amu ippuniɗkkutnu oɗ medattem. Ao, na da ib bauklel dayakppa gotte, na ib amuppa anuqna gona, omaiɗkkutnu oɗ medattem.