Sam 27:10 - Nobonob Baibel

¹⁰ Da mamel, anil ele aa uuiɗkkulahtai, aa dahilnu daulah atikkutai, amge na, Yawe, na geha da ehaniɗkkut.

Sam 27:10 Referans Kwoze

Aisaia 49:15

Ag Juda ag anam aon atteb, amge Yawe Nug ag amelagppa atte. “Ah nid awa, nid amu huh medatte amu, ah amu nug nid amu daug atikkunu elelete? Nug nid amu oo ii metta, daug atie, nid nug menuom ele amu ii bekkidkkunu elelete? Iittabia amge, gadon, deɗ laippu laippu ah laa nug anam hekku bia, amge da laa nug anam hette bia amu, da ii hepa. Da ahilagnu daul iinab atima.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.

Matyu 10:36

Danabnu kekeɗ ag nug baekkudppan danab ah daaglag.

2 Timoti 4:16

Tatam da hettoɗiakppa meiɗppig amu, laippu laa da ii ehaniɗom, ohnab da uuiɗna malappig, amge da aab ag qaɗelagppa ii nemanu Kayak unuqidttem.

Sam 69:8

Anam amunu, dahilnu amu da awalad amalad ele ag inam dabmetteb. “Nug am aab diig danab iitta.” Yo, da anil bekkod ag dahilnu inam aakku dabmetteb. “Nug amu wan laihnu danab.” Ag anam dabmetteb.

Jon 9:35

Jesus ag danab amu lamidppignu nai doya, Nug danab amu mattia antta, amegppa aum. “Na Danab Bekkalagnu ootppa genab doottemte o iitta?” awa aum.

2 Samuel 16:11

Dawit nug anam anan, nug Abisai, nuhikkud ehanittak anuqak danab ele oh amelagppa nai tuɗitta aum. “Da bekkalnab, da nug menumi ele, nug da iweb mauhkkulnu hette. Danab imu nug Benyaminppanu danab, nug Saul ele tiig laippu, nug da eheɗ laa awaknu anak waappa daakkulnu dabmekkun elele amunu, uuppeg dayaɗ! Yawe Nug nug anam akkunu aumtai amunu, ig uupput haɗ!