Sam 25:8 - Nobonob Baibel

⁸ Yawe Nug diig ena, diig tutukku ele amunu, Nug hipunin danab ib ena dim lamidkkulagnu oo daye, Nug ib amu ag ippunadtte.

Sam 25:8 Referans Kwoze

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Sam 32:8

Yawe inam atte. “Da geha na doyak medette, ib na dim lamidkkut ele ippunidkkul. Da geha nahip ulum mettak danab dayeye, dabmak ena medette, da na atognoidkkul.

Sam 92:15

Ag, Yawe Nug tutukkuib daatte laa ippunadkkulagnu anam daaglag. Nug am kekeɗ niɗamanu ehanittak dahil daatte. Yawe Nug kobol nau laa ii hette.

Matyu 9:13

Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.

Aisaia 26:7

Ib genab tutukku hak danab ah dim lamidtteb ele, ib amuam tak nak okkai, o tak nak naunau laa iitta. O Yawe, na haen oh kobol genab tutukkuib hettem amu, na genab tutukku hak danab ah dilag ib ena babaittette, tak nak laa ii dayeye, ag amuppa oitteb.

Sam 119:68

Na enaib daanna, enaib hettem. Na aɗi keeke hettem amu, na ena hettem. Na da nahip ɗo ippuniɗkkutnu oɗ medattem.

Luk 11:13

Anam amunu, ag nau aɗi ag genab keeke ena ag nid ahilkad mattaglagnu dootteb dayeb, genabnab ag Mamelag, hab attan daatte, Nug danab ag Nug unuqidppeg, Nug nuhig Ouɗi ag madakku,” awa aum.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.