Sam 25:7 - Nobonob Baibel

⁷ Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Sam 25:7 Referans Kwoze

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 38:17

Am genab, da ehaniɗkkutnu na uug naunab dahilppa bekkunu ib oo ii neme. Na dahilnu oot mauhe, na dahil hipunin oh uhuqna meɗe, iitta mena, da beɗulppa iinab daatteb amunu, na ehaniɗe, da padal ii memi.

Job 13:26

Da anam oɗ medattemnu diig am, na da ninig dookkulnu yaan bappaidna malame. Ao, na he, hipunin da nid bau dayeye hemi am, da hipunin amunu guittak aottem.

Jeremaia 3:25

Ig Yawe, ihinig Kayak, ig nuhigppa hipunin hemut; ig am ig mamenkad ele. Anukkanab ig mamenkad aɗi ag amu digmeeg, uɗie uɗie, gemu ig ele ig oh Yawe, ihinig Kayak, ig Nug oɗe ii dim lamidmut. Anam amunu, ig uɗa nak nau doottem. Ao, uɗa nak nau guittak ele ig tonikkom daatte,” aon atteb.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Hibru 8:12

Aɗinu? Da ahilag nau hak uhuqen madakkul. Yo, da ahilag hipunin daul atikku.” Naɗi Nug nai amu mattiom.

Sam 109:26

O Yawe, dahil Kayak, na da ehaniɗkkutnu oɗ medattem! Na nahip oo mauhaknab kobol dabmenana ehaniɗppe, da padal ii mepanu unuqidttem.

Sam 79:8

⌊O Yawe,⌋ na ig mamenkad aɗi hipunin heppig amu, na amunu nob ig mekkamnanu oɗ medattem! Ao, na oot gai-iitta doon oot mekkan ehanigkkutnu unuqidttem. Aɗinu? Ig uug okkainabppa daattem.

Sam 31:16

Da, da am nahip maɗi nid amu, da na ele daagnihnu, na oot dahilnu ena daakkunu oɗ medattem. Ao, na oo mauhaknab kobol nahip dim lamidna, da padal mepanu ehaniɗkkutnu unuqidttem.

Sam 6:4

O Yawe, na dona ehaniɗna, qagaiettakppanu awiɗkkutnu unuqidttem. Ao, na oo mauhaknab kobol dim lamidttem amunu, diig amunu na da ehaniɗppe, da ii mauhpanu oɗ medattem.

Job 20:11

Nau hak danab nug nid bau, ebehi ele dayaya, nug mauhtte.

Jon 5:14

Danab amu nug Jesus ii doyom, amge dimppa Jesus Nug danab amu Kayaknu mettid lakka appa antta amegppa aum. “Antte! Gemu na beɗun pahaettom. Uug naɗinab na tonidmanu, na hipunin tuɗidna aib heme,” awa aum.

Jon 5:5

Aria, danab laa appa dayom amu nug maɗ 38 diɗi aɗak ele daattom.

Aisaia 64:9

O Yawe na oo nauhak okkainab, melemel elele iittappa doomnanu, na hanhan hipunin ihinig dabmenan oimnanu oɗ medattem. O Yawe, ig am nahipad danab ah daattem amunu, na dabmegakkutnu unuqidttem.

Sam 119:124

Da am nahip maɗi nid. Na dahilnu attem attem hekkutnu amu, na nahip oo mauhaknab kobol dabmena, na amuib dahilppa hena, na nahip ɗo ele da ippuniɗkkutnu oɗ medattem.

Sam 109:16

Aɗinu na anam hekkutnu ool daatte? Amuam nug oo mauhaknab kobol nakok laa ii dim lamittom. Nug danab ah uug waappa daappig, daɗek danab ah, amu danab ah ag oo doyak okkainab dooppig ele, nug ahilag mauhak haen iittappa mauhkkulagnu he mauhppig.

Sam 109:14

O Yawe, na nug mamekkud aɗi dilag hipuninnu dabmena, na nug anignu hipunin ii uhuqna medakkutnu oɗ medattem.

Sam 106:3

Danab ag nai doya mala hettoɗia epeɗia elele mettak kobol dim lamidtteb ele, ag itittak ena aoppig daatteb. Ao, laa ag hanhan genab tutukku hak kobol ele dim lamitteb amu, ag itittak ena aoppig daatteb.

Sam 106:4

O Yawe, na nahipad danab ah dilagnu na ii helom bia me, na ehanadnana, dahilnu dabmekkutnu oɗ medattem. Na ag padal ii memananu ehanadnana, da ele ehaniɗppe padal ii mepanu unuqidttem.

Aisaia 48:11

Amu da diilnu dabmak anuqak awewe, da ag qagaiettakppanu eɗuen diiadkkul. Ge! Da, da diilnu dabmak anuqak awewe, da ag qagaiettakppanu eɗuen diiadkkul. Aɗinu? Da laa uuidppi, nug heeb, laa ag da onilnu, ‘Am keeke hamu,’ dooglagnu elele iitta. Ao, da laa uuidppi, nug dahil binag amahlak oppiaawak ele awa, nug onigppa qataqekkunu iinab hepa.” Yawe Nug anam awa atte.

Jeremaia 31:34

Amu da heppi, ig nug tituana nai qakkak amu heta malota amu, danab laa nug layagtai, o awagtai, o amagtai baula amegppa, ‘Na Yawe doye!’ ii ama. Iitta. Ag anam ii amananu diig am, ag ohnab, danab onig iitta, danab onig okkai ele, ag oh da dooiɗna oiglag amunu, ag laa nug laa amegppa, ‘Na Yawe doye!’ akkunu ii hema. Aɗinu? Da ahilag nau hak uhuqen madakkul. Yo, da ahilag hipunin daul atikku.” Yawe Nug anam atte.